დაუმთავრებელი მშენებლობები „სპეციალური (ზონალური) შეთანხმების გაცემისთვის მოსაკრებლის“ გადახდისაგან გათავისუფლდებიან

დაუმთავრებელი მშენებლობების დასრულების ხელშეწყობის მიზნით, პარლამენტში საკანონმდებლო ცვლილების პროექტი დარეგისტრირდა. ბიუროს 10 თებერვლის სხდომაზე „ადგილობრივი მოსაკრებლების შესახებ“ კანონში შესატანი ცვლილების პროექტის ინიცირება იგეგმება.

კანონპროექტის თანახმად, დაუმთავრებელი მშენებლობები „სპეციალური (ზონალური) შეთანხმების გაცემისათვის მოსაკრებლის“ გადახდისაგან გათავისუფლდებიან.

იმისათვის, რომ სამშენებლო ობიექტებზე აღნიშნული შეღავათები გავრცელდეს, აუცილებელია: 1) ობიექტი ითვლებოდეს დაუმთავრებელ მშენებლობად; 2) ამ ობიექტის ექსპლუატაციაში მიღების მიზნით უფლებამოსილ ორგანოს ინდივიდუალურ ადმინისტრაციულ-სამართლებრივი აქტი 2025 წლის 1 იანვრამდე უნდა ჰქონდეს გამოცემული. კანონის პროექტის თანახმად, ობიექტი ითვლება დაუმთავრებელ მშენებლობად, თუ იგი აკმაყოფილებს საქართველოს მთავრობის შესაბამისი კანონქვემდებარე ნორმატიული აქტით დადგენილებილ პირობებს.

„დღეის მდგომარეობით, არსებობს ისეთი დაუმთავრებელი მშენებლობებიც, რომლებსაც გააჩნიათ კანონით გათვალისწინებული სპეციალური (ზონალური) შეთანხმების გაცემისათვის მოსაკრებლის გადახდის ვალდებულება, და ამ ფინანსური ვალდებულების გამო ვერ ხერხდება მშენებლობის პროცესის გაგრძელება. ამდენად, რადგან ხელშემწყობი ღონისძიებების განხორციელების მიზანი არის დაუმთავრებელი მშენებლობების დასრულება, მიზანშეწონილია განხორციელდეს სხვა დამატებითი ხელშემწყობი ღონისძიებებიც, რაც კიდევ უფრო მეტად შეუწყობს ხელს დაუმთავრებელი მშენებლობების დასრულების პროცესს. კანონპროექტის მიღება, ფინანსური თვალსაზრისით, იქნება დიდი სტიმული დაუმთავრებელი მშენებლობების დასრულებისათვის და ხელშეწყობა ამ პროცესით დაზარალებული მოსახლეობისათვის,” - აღნიშნულია კანონპროექტის განმარტებით ბარათში.

„ადგილობრივი მოსაკრებლების შესახებ“ კანონში შესატანი ცვლილების პროექტის ინიციატორები დეპუტატები მერაბ ქვარაია და გოგა გულორდავა არიან.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 25.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის