გიგა ბოკერია - სააკაშვილის საქმეა რა მოძრაობას ქმნის და რა კონტექსტში ჩაეწერება - არ ვიცი  რა ფორმატზეა საუბარი, ერთ შტაბთან რატომ უნდა იყოს რაიმე თანამშრომლობა?

მიხეილ სააკაშვილის საქმეა რა მოძრაობას ქმნის და რა კონტექსტში ჩაეწერება“, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ჟურნალისტებს განუცადა, რითაც გამოეხმაურა მიხეილ სააკაშვილის განცხადებას პირადი შტაბის გახსნის თაობაზე.

ჟურნალისტის შეკითხვაზე, აპირებს თუ არა ოპოზიცია აღნიშნულ შტაბთან თანამშრომლობას, ბოკერიამ განაცხადა, რომ პოლიტიკურ პარტიებს შორის თამაშის წესებზე შეთანხმება ხდება „ლეიბორისტული პარტიის“ ოფისში.

„არ ვიცი საერთოდ რა ფორმატზეა ლაპარაკი. ერთ შტაბთან რატომ უნდა იყოს რაიმე თანამშრომლობა? პოლიტიკურ პარტიებს შორის თამაშის წესებზე შეთანხმების ფორმატი არის „ლეიბორისტული პარტიის“ ოფისში შეხვედრები და ვერანაირ მიზეზს ვერ ვხედავ, რატომ უნდა შეიცვალოს ეს. ამის არანაირი საფუძვერლი არ არსებობს“, - განაცხადა ბოკერიამ.

მისივე თქმით, გაერთიანებულ ოპოზიციას აქვს კარგი კოორდინაცია, რაც საქართველოს უახლეს ისტორიაში უპრეცედენტოა.

„ამოცანა არის ძალიან მკაფიო : საპროსტეტო აქციების გაგრძელება, რომ ყველა ინსტრუმენტი გამოვიყენოთ და პროპორციულ სისტემაზე გადავიდეთ, მომზადება იმ სცენარისთვის, რომ თუ ეს არ მოხდება, ამ პოლიტიკური ჭირის მოშორება, რასც ივანიშვილი და მისი რეჟიმი ჰქვია. ამ პროცესში ჩვენ გვაქვს კარგი კოორდინაცია, საქართველოს უახლოეს ისტორიაში უპრეცედენტო. „ლეიბორისტული პარტიის“ ოფისში ხდება ერთმანეთისგან ძალიან განსხვავებული ძალების ძალიან საქმიანი ურთიერთობა და ეს ფორმატი გაგრძელდება“, - განაცხადა ბოკერიამ.

როგორც საქართველოს ყოფილი პრეზიდენტი მიხეილ სააკაშვილი აცხადებს, პირველი მარტიდან პირად შტაბს ხსნის. „პირველი მარტიდან, "სააკაშვილის საპრეზიდენტო ბიბლიოთეკის" ბაზაზე, მე ვხსნი ჩემს შტაბს, პირად შტაბს, რომელიც "ნაციონალურ მოძრაობასთან" ერთად და სხვა ოპოზიციურ ძალებთან ერთად, ახალ ხალხთან ერთად, რომელიც მოდის პარტიების გარეშე, შევქმნათ კიდევ მეტი საფუძველი და დავაჩქაროთ ივანიშვილის რეჟიმის დასასრული და საქართველოს გადარჩენა“, - აცხადებს მიხეილ სააკაშვილი.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს