ავღანეთში, თავდასხმის შედეგად 2 ამერიკელი ჯარისკაცი დაიღუპა
ავღანეთში, ავღანურ ჯარის ფორმაში ჩაცმულმა მამაკაცმა ამერიკელ ჯარისკაცებს ცეცხლი გაუხსნა, რის შედეგადაც დაღუპულია 2 და დაჭრილია 6 ამერიკელი სამხედრო, - ამის შესახებ ინფორმაციას „როიტერსი“ ავრცელებს.
გავრცელებული ინფორმაციით, ინციდენტი ნანგარჰარის პროვინციაში მაშინ მოხდა, როდესაც ამერიკელი და ავღანელი სამხედროები ადგილობრივი ხელისუფლების ოფიციალურ პირებთან გამართული შეხვედრიდან ბრუნდებოდნენ.
თავდასხმის დეტალები და მოტივი ჯერ-ჯერობით უცნობია.
