ჩეხეთის ჩრდილო-დასავლეთ ნაწილში ორსართულიანი ავტობუსი, რომელშიც 70 ბავშვი იმყოფებოდა, ქალაქ ლოუნთან გადატრიალდა. ამის შესახებ ჟურნალისტებს ქვეყნის პოლიციის ოფიციალურმა წარმომადგენელმა განუცხადა.

მისი ინფორმაციით, რამდენიმე ბავშვი დაშავდა, რომელთა მდგომარეობა საშუალო სიმძიმისაა.

ამ დრომდე დაუდგენელი მიზეზით, ავტობუსის მძღოლმა საჭე ვერ დაიმორჩილა, რის გამოც ის სავალი გზიდან გადავიდა და გადატრიალდა. სხვა დეტალების შესახებ ინფორმაცია არ ვრცელდება. მიმდინარეობს გამოძიება.