საქართველოს პარლამენტის თავმჯდომარემ ამერიკის შეერთებულ შტატებში ვიზიტის ფარგლებში წმინდა დავით აღმაშენებლის სახელობის ქართული ტაძარი მოინახულა. ამის შესახებ „ინტერპრესნიუსს“ საქართველოს პარლამენტის პრესსამსახურიდან აცნობეს.
მათი ინფორმაციით, არჩილ თალაკვაძე წირვას დელეგაციის წევრებთან და ქართული დიასპორის წარმომადგენლებთან ერთად დაესწრო და ტაძრის მრევლს სიტყვით მიმართა და დავითობის დღესასწაული მიულოცა.
„ამერიკის შეერთებულ შტატებში სამუშაო ვიზიტის ფარგლებში პარლამენტის თავმჯდომარეს მაღალი დონის შეხვედრები ჰქონდა სენატისა და კონგრესის წევრებთან. შეხვედრები გაიმართა ასევე სახელმწიფო დეპარტამენტში“,-ნათქვამია ინფორმაციაში.