ტურიზმის ეროვნულმა ადმინისტრაციამ მონაკოდან ჟურნალისტებს უმასპინძლა

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, მონაკოს წამყვანი ჟურნალისტები საქართველოს ეწვივნენ. პრეს-ტური ღვინის ეროვნულ სააგენტოსთან თანამონაწილეობით გაიმართა. ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციიდან აცნობეს.

მათივე ინფორმაციით, უცხოელი ჟურნალისტების საქართველოში სტუმრობა მონაკოს სამთავროდან სომელიეთა ასოციაციის წევრთა ვიზიტს უკავშირდება, რომლებიც მონაკოს საუკეთესო რესტორნების მთავარი სომელიეები არიან.

„საქართველოს ტურიზმის ადმინისტრაციამ ღვინის ეროვნულ სააგენტოსთან ერთად მონაკოს ტელევიზიებისა და ბეჭდური მედიის წამყვან ჟურნალისტებს უმასპინძლა. აღნიშნული პროექტის ფარგლებში ჟურნალისტები საქართველოს ტურისტულ პოტენციალს გაეცნენ, ისევე როგორ ღვინის წარმოების კულტურას. ამ პროექტის მთავარი მიზანია, საქართველოს ცნობადობის კიდევ უფრო მეტად გაზრდა მონაკოში და საქართველოს, როგორც საინტერესო ტურისტული მიმართულების პოზიციონირება, რომელიც ამავდროულად ღვინის სამშობლოა”,- განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

პრეს-ტურში მონაკოს სამთავროს სხვადასხვა ჟურნალისა და ტელევიზიის (Royal Spirit GMBH) 7 წარმომადგენელი მონაწილეობდა, ტურის დასრულების შემდეგ მონაკოს მედიის წარმომადგენლები საქართველოს შესახებ მოკლემეტრაჟიან ფილმს მოამზადებენ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში