მარკეტა გრეგოროვა - მგონია, რომ რუსეთი საქართველოში ცდილობს გააკეთოს ის, რისი გაკეთებაც შეუძლია - ვფიქრობ, ნატო ასეთი შეშინებული არ უნდა იყოს

„მგონია, რომ რუსეთი საქართველოში ცდილობს გააკეთოს ის, რისი გაკეთებაც შეუძლია, - ამის შესახებ ევროპარლამენტარმა მარკეტა გრეგოროვამ „ინტერპრესნიუსს“ ექსკლუზიურ ინტერვიუში განუცხადა.

მისი თქმით, რუსეთის ფედერაციისგან იმ აგრესიის შესაჩერებლად, რომელიც მოიცავს ე.წ. ბორდერიზაციასა და ადამიანების დაკავებას, ამჟამად ერთადერთი და საუკეთესო პასუხი ნატო-ში გაწევრიანებაა.

„როდესაც საქართველო თითქმის ნატო-ში შესვლის ზღვარზე იმყოფებოდა, რუსეთმა რა გააკეთა? საზღვრების ოკუპაცია დაიწყო. შესაბამისად, ვიტყოდი, რომ ეს დაეხმარებოდა სიტუაციას. მგონია, რომ რუსეთი ასე ვთქვათ, ცდილობს გააკეთოს ის, რისი გაკეთებაც შეუძლია და თუ მათ პირდაპირი მნიშვნელობით არანაირ საზღვრებს არ დავანახებთ, საზღვრებს პატივს არ სცემენ და ისინი არც კი ექნებათ. რუსეთმა ამის გაკეთება გადაწყვიტა, რადგან იცის, რომ ნატო-ს არ შეუძლია, საქართველოს ალიანსში გაწევრიანების მიმართულებით წინ წავიდეს, ან შეუძლია, თუმცა ამაზე ძალიან იყოყმანებს, რადგან ნატო-ს არ სურს, კონფლიქტი უფრო შორს წავიდეს ან ესკალაციის გამოწვევას შეუწყოს ხელი. ასეა თუ ისე, ნამდვილად ვფიქრობ, რომ თუ ნატო თავის მხარდაჭერას გამოხატავს, ეს ვითარებას ხელს შეუწყობს, პირიქით, სიტუაციის დეესკალაციას მოახდენს და ასევე ვფიქრობ, რომ ნატო ასეთი შეშინებული არ უნდა იყოს“, - განაცხადა გრეგოროვამ.

„ინტერპრესნიუსის“ კითხვაზე, ფიქრობს თუ არა, რომ ევროკავშირი და ნატო გარკვეული მიზეზების გამო მეტისმეტად რბილია რუსეთთან მიმართებაში, უპასუხა, რომ ეს მწვავე სიტყვებია.

„მესმის, რომ ამ ყველაფერში დიპლომატიაა ჩართული და მესმის ის მსოფლიო წესრიგიც, რომელშიც ამჟამად ვცხოვრობთ. ვიცი, რომ არ შეიძლება, ასეთი მწვავე განცხადებები გავაკეთოთ, რადგან ეს მსოფლიო წესრიგი საკმაოდ მყიფეა, ასე რომ მესმის, რას აკეთებს ნატო და ევროკავშირი და რატომ აკეთებს ამას ისე, როგორც აკეთებს. თუმცა, ვფიქრობ, რომ გარკვეულწილად მათ მეტი ბიძგი უნდა განახორციელონ და განსაკუთრებით, მეტად უნდა დაიცვან თავიანთი პოზიციები. ნატო უდიდესი სამხედრო ძალაა მსოფლიოში, ევროკავშირი კი უდიდესი ეკონომიკური ბლოკი - იცით, ეს რაღაცას ნიშნავს და შეგვიძლია, ასე ვთქვათ, არ ვიყოთ ასეთი შეშინებულები, რომ ამ პოზიციას დავკარგავთ“, - აღნიშნა ევროპარლამენტარმა.

იხილეთ ინტერვიუს სრული ვერსია

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ