ნიკა მელია - 100/50 სისტემა კომიკურია და ღიმილისმომგვრელიც, ამაზე არავინ დათანხმდება

ხელისუფლებამ გადალახა პოლიტიკური რუბიკონი და აუცილებლად იწვნევს მარცხს განსაკუთრებით იმ ფონზე, როდესაც იქნება მაქსიმალური კოორდინაცია ოპოზიციურ პარტიებს შორის, - ამის შესახებ „ნაციონალური მოძრაობის“ ერთ-ერთმა ლიდერმა ნიკა მელიამ განაცხადა.

ნიკა მელიას თქმით, ხელისუფლების მხრიდან 100/50 სისტემის შემოთავაზება კომიკური და ღიმისმომგვრელია.

მისივე განცხადებით, ხალხის დაკვეთაა პროპორციული არჩევნები ან ისეთი სისტემა, რომელიც ასახულია „გერმანულ მოდელში“.

„გასაგებია, „ქართული ოცნება“ რატომ იგონებს ახალ ტყუილებს თავის გასამართლებლად, თუმცა მათი აღარავის სჯერა. 100/50 სისტემა კომიკურია და ღიმილისმომგვრელიც, ამაზე არავინ დათანხმდება. ჩვენ არ ვართ დამოკიდებული მხოლოდ ერთმანეთზე, ჩვენ ვართ ანგარიშვალდებული ხალხთან, ხალხის დაკვეთა არის პროპორციული არჩევნები ან ისეთი სისტემა, რომელიც ასახულია ე.წ. გერმანულ მოდელში. რა საარჩევნო სისტემითაც არ უნდა მოგვიწიოს ჩვენ წინასაარჩევნო კამპანიაში შესვლა, აუცილებლად დამარცხდება ხელისუფლება იმიტომ, რომ ხელისუფლებამ გადალახა პოლიტიკური რუბიკონი და აუცილებლად იწვნევს მარცხს განსაკუთრებით იმ ფონზე, როდესაც იქნება მაქსიმალური კოორდინაცია ოპოზიციურ პარტიებს შორის,” - განაცხადა ნიკა მელიამ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის