ნიკა მელია - ვერაფერს ვხედავ, რამაც შეიძლება ჩვენი ერთობა დააზიანოს, განსაკუთრებით როცა ფინიშის სწორს ვართ მილიარდერი ივანიშვილის დასამარცხებლად

ვერ ვხედავ ვერაფერს რამაც შეიძლება ჩვენი ერთობა დააზიანოს, განსაკუთრებით ამ ეტაპზე როდესაც ვართ ფინიშის სწორს მილიარდერი ივანიშვილის დასამარცხებლად, - ამის შესახებ ,,ნაციონალური მოძრაობის” ერთ-ერთმა ლიდერმა ნიკა მელიამ პარტიის შიგნით არსებულ ვითარებაზე საუბრისას განაცხადა. ნიკა მელია მიხეილ სააკაშვილის მხრიდან პირადი შტაბის შექმნის ინიციატივასაც გამოეხმაურა.

„რატომ უნდა ვეძებოთ ინტრიგა იქ, სადაც არ არის, პირველი თებერვლიდან „ნაციონალური მოძრაობის“ ეგიდით 50 საარჩევნო შტაბი გაიხსნა და კიდევ ვაპირებთ ერთი ამდენის გახსნას. ჩემი აზრით, რაც მეტი საარჩევნო შტაბი იქნება და ადგილი სადაც შეიძლება კოორდინაცია მოხდეს სხვადასხვა პარტიებსა და საზოგადოებრივ ჯგუფებს შორის, ეს მოემსახურება ხელისუფლების დამარცხებას. ვერ ვხედავ ვერაფერს რამაც შეიძლება ჩვენი ერთობა დააზიანოს, განსაკუთრებით ამ ეტაპზე როდესაც ვართ ფინიშის სწორს მილიარდერი ივანიშვილის დასამარცხებლად. ლეიბორისტული პარტიის ოფისი არის ნათელი მაგალითი თუ როგორი მაქსიმალური კოორდინაცია გვაქვს ძირითად ფუნდამენტური საკითხების გარშემო,” - აღნიშნა ნიკა მელიამ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში