გრიგოლ ვაშაძის განცხადებით, 120/30 გადანაწილების პრინციპი დიპლომატიური კორპუსის იდეა იყო და ამის განხილვა ჯერ ოპოზიციის წარმომადგენლებს შორის არ მომხდარა

„ნაციონალური მოძრაობის” თავმჯდომარის გრიგოლ ვაშაძის განცხადებით, პირადი შტაბი, რომელსაც სააკაშვილი ქმნის, კიდევ ერთი პლატფორმაა, რომელიც იმისთვის იბრძოლებს, რომ საქართველოს „მოაშოროს ის უმსგავსი ჯგუფი, რომელიც თავის თავს ეძახის ხელისუფლებას”.

ამის შესახებ გრიგოლ ვაშაძემ „ლეიბორისტული პარტიის” ოფისში, ოპოზიციის შეხვედრის დაწყებამდე ჟურნალისტებთან საუბრისას განაცხადა.

მიხეილ სააკაშვილის პირადი შტაბი არის კიდევ ერთი პლატფორმა, რომელიც იბრძოლებს იმისთვის, რომ საქართველოს მოაშოროს ის უმსგავსი ჯგუფი, რომელიც თავის თავს ეძახის ხელისუფლებას და ყურებამდეა ჩაფლული კორუფციაში“, - განაცხადა ვაშაძემ.

რაც შეეხება საარჩევნო სისტემას, რომლის თაობაზეც დღეს შეხვედრაზე მსჯელობენ, ვაშაძემ აღნიშნა, რომ 120/30 გადანაწილების პრინციპი დიპლომატიური კორპუსის იდეა იყო და ამის განხილვა ჯერ ოპოზიციის წარმომადგენლებს შორის არ მომხდარა.

„ეს ელჩების იდეა იყო, ერთხელ გაიჟღერა, კომპრომისის მოსანახად ხომ არ მოვძებნოთ რამე სხვა თანაფარდობაო. ამ იდეის განხილვა არ ყოფილა და არ შეთანხმებულა. თუ ოფიციალური შეთავაზება იქნება ან ხელისუფლებისგან ან ჩვენი ფასილიტატორებისგან, ამას განვიხილავთ. „ნაციონალური მოძრაობის” მოთხოვნა იგივეა, ჩვენ გვინდა პროპორციული არჩევნები”,- განაცხადა ვაშაძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა