სოფო კილაძე - სააკაშვილი ცდილობს ისრების გადატანას თავის სხვა თანაგუნდელებზე იმისთვის, რომ თვითონ გამოჩნდეს თეთრი ხელთათმანებით

ვფიქრობ, ბატონი სააკაშვილი ცდილობს ისრების გადატანას თავის სხვა თანაგუნდელებზე იმისთვის, რომ თვითონ გამოჩნდეს თეთრი ხელთათმანებით, - ასე შეაფასა საქართველოს ყოფილი პრეზიდენტის, მიხეილ სააკაშვილის განცხადებები პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფო კილაძემ.

მისივე თქმით, მას ეს გადაბრალება არ გამოუვა.

„იმ ლაქას, ის რეჟიმი, რომლის სათავეშიც იდგა ბატონი სააკაშვილი, ვერასდროს ჩამოირეცხავს. აქედან გამომდინარე, რაც არ უნდა შეეცადოს, რომ სხვებს გადააბრალოს ის რეჟიმი და სისასტიკეები, რასაც საქართველოში ჰქონდა ადგილი, არ გამოუვა“, - განაცხადა სოფო კილაძემ.

შეგახსენებთ, საქართველოს ყოფილმა პრეზიდენტმა მიხეილ სააკაშვილმა „მთავარი არხის“ ეთერში ვანო მერაბიშვილზე ისაუბრა.

ვანო მერაბიშვილს რამდენჯერმე უთხრეს, მათ შორის ციხიდან გაიყვანეს და ისე უთხრეს, მოგვეცი ცრუ ჩვენება სააკაშვილზე და გაგიშვებთო. ეს კაცი ამდენი წელია მხოლოდ იმის გამო ზის, რომ ხელი არ აიღო სინდისზე და არ მოაბოდიალა რაღაც ტყუილი, რაც ვიღაც-ვიღაცებმა იკადრეს. ამიტომ, მე მაქვს მის მიმართ პირადი ვალდებულების განცდა. თუმცა, მშვენივრად ვხედავ იმ შეცდომებსაც, რაც დაუშვა. ვხედავ იმ გადაცდომებსაც, რაც დაუშვეს მაშინ ამ სისტემებში და რომ არა ეს გადაცდომები, შედარებით გაუძნელდებოდა ივანიშვილს, ჩაეგდო ჩვენი ქვეყანა ხელში.

ახლა მე რომ ვანოს ადგილზე ვიყო, დავუბრუნდებოდი ჩემს ოჯახს, დავტკბებოდი შვილებთან ახლოს ყოფნით, ვიმოგზაურებდი მსოფლიოში, გავახელდი თვალებს, გავიხედ-გამოვიხედავდი და მხოლოდ ამის შემდეგ მივიღებდი რაღაც გადაწყვეტილებებს“, -განაცხადა სააკაშვილმა.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში