საპროკურორო საბჭომ გენერალური პროკურორის პოსტზე ირაკლი შოთაძის კანდიდატურა უკვე პარლამენტს წარუდგინა. ბიუროს გადაწყვეტილებით, საკითხი განსახილველად პარლამენტის იურიდიულ კომიტეტს გადაეცა. ირაკლი შოთაძის საკომიტეტო მოსმენა პარლამენტში უახლოეს მომავალში გაიმართება. ამის შემდეგ კი საკითხს კენჭს პლენარულ სხდომაზე უყრიან.
შეგახსენებთ, რომ საპროკურორო საბჭომ აღნიშნულ თანამდებობაზე შოთაძის კანდიდატურა მიმდინარე წლის 7 თებერვალს აარჩია. მას მხარი საბჭოს 11-მა წევრმა დაუჭირა.
შეგახსენებთ, რომ ირაკლი შოთაძე სქართველოს მთავარი პროკურორის თანამდებობას 2015 წლის 19 ნოემბრიდან 2018 წლის 31 მაისის ჩათვლით ხელმძღვანელობდა. აღნიშნული პოსტი მან მას შემდეგ დატოვა, რაც ხორავას ქუჩაზე მოზარდებს შორის მომხდარ მკვლელობის საქმესთან დაკავშირებით სასამართლოს მიერ მიღებულ გადაწყვეტილებას ქუჩის მასშტაბური საპროტესტო აქცია მოჰყვა.