გურამ მაჭარაშვილი - თუკი ვინმეს არ მოსწონს სასამართლოს გადაწყვეტილება, ეს არ არის ქვეყნის დასასრული, ეს არ ნიშნავს იმას, რომ აქ პოლიტიკური დევნა არსებობს
თუკი ვინმეს არ მოსწონს სასამართლოს გადაწყვეტილება, ეს არ არის ქვეყნის დასასრული, ეს არ ნიშნავს იმას, რომ აქ პოლიტიკური დევნა არსებობს, - ასე შეაფასა გიგი უგულავას მიმართ უზენაესი სასამართლოს მიერ გამოტანილი განაჩენი საპარლამენტო უმრავლესობის ერთ-ერთმა ლიდერმა, გურამ მაჭარაშვილმა.
მისივე თქმით, მათ შეუძლიათ ეს გადაწყვეტილება საერთაშორისო სასამართლოში გაასაჩივრონ.
„თუ გვინდა, რომ სახელმწიფო იყოს დემოკრატიული, პოლიტიკოსი იქნება, ოპოზიციონერი თუ რიგითი მოქალაქე, ყველას მიმართ უნდა იყო ერთი და იგივე მიდგომები. აქედან გამომდინარე, თუ ვინმეს, რომელიმე პირს, რიგით მოქალაქეს, პოლიტიკოსს, საჯარო მოხელეს, არ მოსწონს სასამართლოს გადაწყვეტილება, ამისთვის არსებობს შესაბამისი პროცესი. უზენაესი სასამართლო არის მართალია, ბოლო ინსტანცია, მაგრამ გვაქვს საშუალება, საერთაშორისო სასამართლოშიც მოხდეს ამის გადასინჯვა", - განაცხადა მაჭარაშვილმა.
მისივე თქმით, უნდა გავმიჯნოთ ერთმანეთისგან პოლიტიკური პროცესი და მართლმსაჯულება.
„შეიძლება მართლმსაჯულებაში რაიმე ტიპის ხარვეზები და პრეტენზიები გვქონდეს, მაგრამ ეს არ ნიშნავს იმას, რომ აქციო ეს პოლიტიკურ პროცესად.
რაც შეეხება მოლაპარაკებებს, ჯერ ერთი უნდა ვთქვათ, რომ მოლაპარაკებები მათი მიზანი არ იყო და ეს უკვე გაცხადდა მას შემდეგ, რაც ეუთო/ოდირის დასკვნა გამოცხადდა. მათი მიზანი იყო, რომ ეჩვენებინათ დესტრუქციული ქმედებები. ახლა ეს გადაწყვეტილება, რომელიც საერთოდ კავშირში არაა პოლიტიკურ მოლაპარაკებებთან, გამოიყენეს მიზეზად, რომ მათ არ სურთ მოლაპარაკებების გაგრძელება. ეს არ მიმაჩნია, რომ არის სერიოზული არგუმენტი“, - განაცხადა მაჭარაშვილმა.
შეგახსენებთ, რომ უზენაესმა სასამართლომ გიგი უგულავას 3 წლითა და 2 თვით თავისუფლების აღკვეთა შეუფარდა.
v-if="article.gallery" v-html="article.gallery"
