თბილისში სამისამართე აბრების დამონტაჟების პროცესი განახლდა

თბილისის საკრებულოს შენობაზე სამისამართე აბრა დამონტაჟდა, - ამის შესახებ „ინტერპრესნიუსს“ თბილისის საკრებულოდან აცნობეს.

მათივე ინფორმაციით, ისტორიულ შენობაზე აბრა, საკრებულოს სახელდების და სიმბოლიკის კომისიის თავმჯდომარემ თინათინ ნიბლოშვილმა, ჯანმრთელობის დაცვის და სოციალურ საკითხთა კომისიის თავმჯდომარესთან გიორგი ბირბიჩაძესთან და საკრებულოს აპარატის უფროსთან ელენე დუმბაძესთან ერთად, დაამონტაჟა. სამისამართე აბრასთან ერთად, შენობაზე თავისუფლების მოედნის ისტორიის შემცველი საინფორმაციო დაფაც განთავსდა.

როგორც სახელდების და სიმბოლიკის კომისიის თავმჯდომარემ განაცხადა, თბილისში სამისამართე აბრების დამონტაჟების პროცესი გრძელდება. მისივე განმარტებით, აბრების დამზადება და დამონტაჟება დედაქალაქის ბიუჯეტით არის გათვალისწინებული.

„დედაქალაქში სამისამართე აბრების დამონტაჟების პროცესი განახლდა. თბილისის მერიის ინფრასტრუქტურის საქალაქო სამსახურის მიერ ყოველწლიურად დაახლოების 13 ათას მისამართზე მონტაჟდება სამისამართე აბრა. ჩვენი მიზანია, რომ დედაქალაქში არ იყოს გეოგრაფიული ობიექტი მისამართის და სამისამართე აბრის გარეშე“, - განაცხადა თინათინ ნიბლოშვილმა.

დღესვე, სამისამართე აბრები ვაკის რაიონში, ტიციან ტაბიძის ქუჩაზეც დაამონტაჟეს. თინათინ ნიბლოშვილის განცხადებით, დედაქალაქში აბრების განთავსება ინტენსიურ რეჟიმში წარიმართება.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა