ახალგაზრდა ქალი, რომელსაც ყოფილმა მეუღლემ ყელის არეში დაზიანებები მიაყენა, "თბილისის ზღვის ჰოსპიტალიდან" ბინაზე უკვე გაწერეს.
როგორც "ინტერპრესნიუსს" "თბილისის ზღვის ჰოსპიტალის" კლინიკურმა დირექტორმა კახი კარიაულმა განუცხადა, ახალგაზრდა ქალს ჭრილობები კისრის არეში აღენიშნებოდა, ექიმის განმარტებით, პაციენტს ყველა შესაბამისი დახმარება დროულად გაეწია და ვინაიდან ჭრილობა სიცოცხლისთვის საშიში არ იყო ბინაზე გუშინვე გაეწერა.
„სასწრაფო დახმარების ბრიგადის მიერ, დაახლოებით 21:00 საათზე, ქუჩიდან ახალგაზრდა ქალი შემოიყვანეს. მას კისრის მიდამოში აღენიშნება ნაკვეთი ჭრილობები და მცირე სისხლდენა, გაეწია ამბოლატორული დახმარება. სათანადო კვლევებით და კონსულტაციებით დგინდება,რომ სიცოცხლისთვის საშიში დაზიანება არ იყო, გაიკერა და შესაბამისი დახმარების აღმოჩენის შემდეგ ბინაზე გაეწერა" , - განაცხადა კახი კარიაულმა.
იხილეთ ვიდეო: ახალგაზრდა ქალი, რომელიც ყოფილმა მეუღლემ დაჭრა, კლინიკიდან გაწერეს