დეკანოზ გიორგი მამალაძის ძმა, თორნიკე მამალაძე მიიჩნევს, რომ თუ საპატრიარქო არ ჩაერევა, თბილისის საქალაქო სასამართლო შუამდგომლობას დააკმაყოფილებს და დეკანოზს სასჯელი გადაუვადდება.

როგორც მამალაძემ ჟურნალისტებს განუცხადა, მისი ძმის მდგომარეობა მძიმეა და ამას ექსპერტიზებიც ადასტურებს.

„სამი წელია უკვე გასული, რაც უკანონო პატიმრობაში იმყოფება ჩემი ძმა და ამ სამი წლიდან ის ერთი წელი პარალიზებულია.

არაერთი ექსპერტიზა ჩატარდა და მიუთითებს ეს ექსპერტიზები, რომ ჩემი ძმა არის ავად, თავად ციხის ექიმებიც მიანიშნებენ, რომ ჩემი ძმის მდგომარეობა რთულადაა.

აქედან გამომდინარე, თუკი საპატრიარქო არ ჩაერევა ამ მომენტში, სასჯელის გადავადებასთან დაკავშირებით, ვფიქრობთ, რომ გაათავისუფლებენ, რადგან სასამართლოს არ დარჩება სხვა გზა, რომ არ გამოუშვას და არ მოგვეცეს საშუალება, რომ ვუმკურნალოთ”, - განაცხადა მამალაძემ.

ცნობისთვის, EMC თბილისის საქალაქო სასამართლოს შუმდგომლობით მიმართავს და დეკანოზის გამოჯანმრთელებამდე სასჯელის გადავადებას მოითხოვს.