არმაზ ახვლედიანი - იმდენად დიდია ჩემი სოლიდარობა გიგი უგულავას მიმართ, რომ მზად ვარ, სიმბოლურად დავიკავო მისი ადგილი იმ ვადით, ვიდრე ის გამოვა

„ქართული ოცნების“ ყოფილი პოლიტიკური მდივანი არმაზ ახვლედიანი მიიჩნევს, რომ გიგი უგულავას დაკავებით „ივანიშვილისეული, წინასაარჩევნო ტერორი საქართველოში“ დაიწყო. არმაზ ახვლედიანი „პალიტრანიუსის“ გადაცემა „ნიუსრუმში“ გიგი უგულავას დაკავების ფაქტს გამოეხმაურა.

არმაზ ახვლედიანის თქმით, გიგი უგულავა მხოლოდ პირველი მსხვერპლია, რომელსაც ადამიანურად, პოლიტიკურად და მოქალაქეობრივად უცხადებს სოლიდარობას.

„იმდენად დიდია ჩემი სოლიდარობა ახლა უგულავას მიმართ, რომ მე მზად ვარ სიმბოლურად დავიკავო მისი ადგილი იმ ვადით, ვიდრე ის გამოვა ციხიდან. მე მიმაჩნია, რომ ასე თავხედურად და უტიფრად ოპონენტს არ უნდა მოექცე. შენ უნდა იცოდე როდესაც ივანიშვილი ხარ, რომ ეს უბრალოდ ბუმერანგივით არ დაგიბრუნდება, ეს დაგიბრუნდება ისე მწარედ, რომ შემდეგ აღმოჩნდები საცოდავ მდგომარეობაში,“ - განაცხადა არმაზ ახვლედიანმა.

მან ბიძინა ივანიშვილისა და ასლან აბაშიძის პარალელებზეც ისაუბრა. „უგულავას დაპატიმრებით და ყველა შეთანხმების გადახაზვით ივანიშვილმა გაცილებით უფრო მნიშვნელოვანი ხიდი ააფეთქა და ჩატეხა ვიდრე ასლან აბაშიძემ. ეს არის ხიდი საქართველოსა და ცივილიზებულ სამყაროს შორის, ის ეთამაშება ისეთ ცეცხლს, რომ მსგავსი პოლიტიკური თამაში არავის თავში აზრადაც არ მოსვლია. ასეთი პოლიტიკური თავხედობა რასაც ივანიშვილი ჩადის, არავის ჩაუდენია. მე მჯერა, რომ პოლიტიკური ოპოზიცია საქართველოში გადადგამს ადეკვატურ და მტკიცე ნაბიჯებს. არავითარი მოლაპარაკება ახლა არ შეიძლება,“ - განაცხადა არმაზ ახვლედიანმა.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს