გიგი უგულავა არის ბევრად უფრო თავისუფალი, ვიდრე ბიძინა ივანიშვილის მანტიამოსხმული ჯამბაზები - თადუმაძე, გაბინაშვილი, შავლიაშვილი თუ სხვა, - ამის შესახებ ჟურნალისტებს „ევროპული საქართველოს" მსჯავრდებული წევრის, გიგი უგულავას ადვოკატმა ბექა ბასილაიამ განუცხადა.
ბექა ბასილაია ე.წ. მატროსოვის ციხეში გიგი უგულავას მოსანახულებლად იყო მისული. როგორც ადვოკატი აცხადებს, უგულავა მხნედ არის.
„გიგი მოვინახულეთ, ის არის მხნედ. გიგი არის ბევრად უფრო თავისუფალი, ვიდრე ბიძინა ივანიშვილის მანტიამოსხმული ჯამბაზები თადუმაძე, გაბინაშვილი, შავლიაშვილი თუ სხვა.
გიგი არის განწყობილი ისეთივე მტკიცედ, როგორც იყო ის ორი დღის წინ, თავისუფლებაში", - განაცხადა ბასილაიამ.
მისივე განმარტებით, გიგი უგულავას საქმეს სტრასბურგის სასამართლოში წაიღებენ, მანამდე კი უზენაესი სასამართლოს დასაბუთებული გადაწყვეტილება უნდა ჩაიბარონ.
ამასთან, როგორც ადვომატი განმარტავს, ნიკა გვარამიასა და მასთან ერთად ბრალდებული პირების სასამართლო პროცესიც იმ პოლიტიკური დევნის ნაწილია, რაც მისივე თქმით, ბიძინა ივანიშვილმა დაანონსა.
შეგახსენებთ, რომ უზენაესმა სასამართლომ გიგი უგულავას 3 წლითა და 2 თვით თავისუფლების აღკვეთა განუსაზღვრა.