მამუკა მდინარაძე კინზინგერის განცხადებაზე - მეც ვეთანხმები, რომ სასამართლოს იარაღად გამოყენება დემოკრატია არ არის - ეს ჩვენს ქვეყანაში არ ხდება, ეს ხდებოდა 2012 წლამდე

მეც ვეთანხმები, რომ სასამართლოს იარაღად გამოყენება დემოკრატია არ არის, ეს ჩვენს ქვეყანაში არ ხდება. ეს ხდებოდა 2012 წლამდე, - ასე უპასუხა საპარლამენტო უმრავლესობის ლიდერმა მამუკა მდინარაძემ კონგრესმენ ადამ კინზინგერის განცხადებას გიგი უგულავას დაკავებასთან დაკავშირებით, სადაც კონგრესმენი ამბობს, რომ „სასამართლოს იარაღად გამოყენება დემოკრატია არ არის".

მისივე თქმით, „ქართული ოცნების" ხელში სასამართლო პოლიტიკური იარაღი არ არის.

„ნებისმიერ ჩვენს კოლეგას, ეს იქნება უცხოეთში, ჩვენს სტრატეგიულ პარტნიორებს თუ ა.შ, ყველას ვეტყვი, მთელი პასუხისმგებლობით, სასამართლო პოლიტიკური იარაღი „ქართული ოცნების" ხელში არ არის და საქართველოში ასე არ იქნება არასდროს. ეს ხდებოდა 2012 წლამდე. ჩვენ წარსულშიც ვნახეთ, რომ სამწუხაროდ, არასწორი ინფორმაციის საფუძველზე, კონკრეტული განცხადებები გაკეთდა და შემდეგ რამდენიმე დღის წინანდელი განცხადებები ვნახეთ აბსოლუტურად პოზიტიური და განსხვავებული. სამწუხაროა, რომ ასეთი პრეცედენტი კიდევ დაფიქსირდა, მაგრამ ჩვენ გავაგრძელებთ მუშაობას ჩვენს პარტნიორებთან, რომ მსგავსი პრეცედენტი იყოს შემცირებული და მინიმუმამდე დაყვანილი", - განაცხადა მდინარაძემ.

მისივე თქმით, თუ ვინმეს ექნება პრეტენზია ამ საქმეზე სასამართლოსთან დაკავშირებით, შეუძლია მიმართოს ევროპულ სასამართლოს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა