ნინო ბურჯანაძე აცხადებს, რომ გიგი უგულავას დაკავება „პოლიტიკური რეპრესიების გვირგვინი იყო“

მოვუწოდებ ხელისუფლებას, გონს მოდით. ჩემს ინტერესში ნამდვილად არ შედის არც რევოლუცია, არც ამ ხელისუფლების ჩამოშლა და ჩამონგრევა, იმიტომ, რომ ხელისუფლებების ჩამოშლა და ჩამონგრევა ქვეყნისთვის არის ცუდი, - ამის შესახებ „ერთიანი საქართველო - დემოკრატიული მოძრაობის“ ლიდერმა ჟურნალისტებს განუცხადა, რითაც „ევროპული საქართველოს“ ერთ-ერთი ლიდერის, გიგი უგულავას დაკავების საკითხს გამოეხმაურა.

ნინო ბურჯანაძის განცხადებით, მას ეჭვი არ ეპარება იმაში, რომ პოლიტიკური რეპრესიები დაწყებულია და გიგი უგულავას დაკავება „გვირგვინი იყო პოლიტიკური რეპრესიების“. მისი თქმით, შემდეგი იქნება ის, ვისაც ბიძინა ივანიშვილი გადაწყვეტს.

„გუშინდელმა მოვლენამ ძალიან ბევრი რამ შეცვალა და თუ ვინმეს რამე კითხვის ნიშანი ჰქონდა იმასთან დაკავშირებით, რომ ოპოზიციამ ერთიანობა უნდა შეინარჩუნოს და ერთმანეთთან მაქსიმალური კოორდინაცია გააგრძელოს, ეს კითხვები, მე მგონი, მოიხსნა. დღეს 2020 წელია და როდესაც უგულავა ციხეში ჩასვეს, 2012 წლამდე ჩადენილი დანაშაულის გამო, ჩემთვის სრულიად ცხადია, რომ ქვეყანაში დაიწყო და გრძელდება პოლიტიკური დევნა. ამიტომ, ეს ყველას ეხება“, - განაცხადა ბურჯანაძემ.

ამასთან, მისი თქმით, გარდა ამისა, 10 თებერვალს შეხვედრა ოპოზიციამ გამართა დიპლომატიური კორპუსის წარმომადგენლებთან, რომლებმაც დიდი შეშფოთება გამოხატეს მიმდინარე პროცესებთან დაკავშირებით. ბურჯანაძის თქმით, მისთვის, როგორც გამოცდილი პოლიტიკოსისთვის სრულიად ნათელია ის ფაქტი, რომ უგულავა ორი ფაქტორის გამო დააკავეს.

„ერთი ისაა, რომ მასში დაინახეს ლიდერის პოტენციალი. მეორეს მხრივ, იმიტომ, რომ გუშინ აყირავებულიყო მოლაპარაკების მაგიდა.

ხელისუფლებამ იცოდა, რომ დიპლომატიური კორპუსის წარმომადგენლებს ჰქონდათ მოსაზრებები, რომლებსაც ჩვენ, ოპოზიცია დავეთანხმეთ და ჩვენთვისაც მისაღები იყო. ეს ვარიანტი გამორიცხავდა კრიზისებს და პროპორციულ სისტემასთან ბევრად უფრო ახლოს იყო, მათ შორის, ერთ-ერთი ვარიანტი იყო 130/20-ზე. აქედან გამომდინარე, ხელისუფლებას ამაზე უარის თქმა ძალიან გაუჭირდებოდა და გადაწყვიტა, რომ ჩვენ ჩავეყენებინეთ ისეთ მდგომარეობაში, ან იგნორირება უნდა გაგვეკეთებინა, (პრაქტიკულად მაგიდიდან აგვაცალეს ადამიანი, ვინც მოლაპარაკებების დროს გვერდით გვეჯდა) ან ამ ფორმატით გაგრძელებაზე უარი გვეთქვა. ასეთი „ტრიუკები“ ხელისუფლებას არ გაუვა, ხელისუფლების ხელმძღვანელს უყვარს ამ სიტყვების გამოყენება. ჩვენ გავაგრძელებთ ბრძოლას“, - განაცხადა ბურჯანაძემ.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს