ოპოზიციის წარმომადგენლები 4 აპრილს საერთო გეგმას წარადგენენ. ამის შესახებ ჟურნალისტებს ოპოზიციური პარტიების წარმომადგენლების შეხვედრის შემდეგ „ახალი საქართველოს” ლიდერმა გიორგი ვაშაძემ განუცხადა.
მისი თქმით, მიმდინარე წლის 4 აპრილს „ისტორიული პროცესი” დაიწყება.
„ახალი გეგმა მდგომარეობს შემდეგში: დღე და ღამე მუშაობა ხალხთან, საერთაშორისო ასპარეზზე. 4 აპრილს, 16:00 საათზე, რუსთაველზე ვიკრიბებით, სადაც განვაცხადებთ არჩევნებში ჩვენი ერთობლივად თანამშრომლობის მექანიზმი რა გვექნება, ამ კუთხით მონაწილეობის საკითხს. ეს არის თარიღი, როცა მართლაც ისტორიული პროცესი იწყება, როდესაც ქართულმა ოპოზიციამ მოძებნა საერთო ენა და ეს იქნება მაჟორიტარული თუ სხვა კუთხით თანამშრომლობა, ყველაფერს ვიტყვით. ჩვენ არ უნდა ჩავაბაროთ საქართველო „ქართულ ოცნებას” და ივანიშვილს და უნდა ვიბრძოლოთ ბოლომდე.
დიალოგი დაასრულა „ქართულმა ოცნებამ“. არ შეიძლება, როცა დიალოგში შედიხარ და მერე ციხეებით ემუქრები ადამიანებს. არცერთი ხმა „ქართულ ოცნებას“, - განაცხადა ვაშაძემ.