თურქეთის ავიაკომპანია „პეგასუს ეარლაინის“ კუთვნილ თვითმფრინავში, რომელიც ვენა-სტამბოლის რეისს ასრულებდა, ინციდენტი მოხდა. თვითმფრინავის მეთაურმა დაშვებამდე ცოტა ხნით ადრე გონება დაკარგა. ამის შესახებ ინფორმაციას თურქული მედია ავრცელებს.
მომხდარის გამო, თვითმფრინავის საბიჰი გოქჩენის სახელობის აეროპორტში დასმა მეორე პილოტს მოუხდა. მან მომხდარის შესახებ შესაბამის სამსახურებს აცნობა და ბორტის დასმა შეძლო.
თვითმფრინავს დაშვებისთანავე სასწრაფო დახმარების ბრიგადა დახვდა, რომელმაც გონებადაკარგული მეთაური საავადმყოფოში გადაიყვანა. ამჟამად მისი მდგომარეობა სტაბილურია.