ევროპარლამენტარი, ესპანელი დეპუტატი ნაჩო სანჩეს ამორი საქართველოში მიმდინარე პოლიტიკური პროცესების გამო შეშფოთებას გამოთქვამს. ამის შესახებ ამორმა „ტვიტერის“ საკუთარ გვერდზე დაწერა.

„ძალიან შეშფოთებული ვარ საქართველოში ბოლოდროინდელი პოლიტიკური მოვლენების განვითარებით.

ნებისმიერი პოლიტიკური აქტორი, მათ შორის უგულავა, რომელიც საკვანძო მონაწილეა, უნდა იყოს მოლაპარაკებების მაგიდასთან წარმოდგენილი და არა ციხეში“, - წერს ამორი.

შეგახსენებთ, უზენაესმა სასამართლომ გიგი უგულავა ე.წ. ფონდის საქმეზე თანხის გაფლანგვაში დამნაშავედ ცნო და 3 წლით და 2 თვით პატიმრობა განუსაზღვრა.