დეპუტატი კობა ლურსმანაშვილი ევროპარლამენტარებისა და კონგრესმენების განცხადებებზე - სუვერენული ქვეყნის საქმიანობაში ასეთი ინტენსივობით ჩარევა მიზანშეწონილი არ არის

ვფიქრობ, რომ სუვერენული ქვეყნის საქმიანობაში ჩარევა ასეთი ინტენსივობით არ არის მიზანშეწონილი, - ასე უპასუხა ევროპარლამენტარებისა და კონგრესმენების მიერ გამოთქმულ მოსაზრებებს საპარლამენტო უმრავლესობის წევრმა კობა ლურსმანაშვილმა.

მისივე თქმით, დასავლეთის კრიტიკა, ზოგ შემთხვევაში, უსაფუძვლოა.

„ჩვენ ჩვენი მეგობრების დამოკიდებულებას ვაფასებთ. მთავარი პარტნიორის, აშშ-ის კონგრესმენთა აზრი ჩვენთვის უმნიშვნელოვანესია. როცა ისინი არიან შეშფოთებულები, შეშფოთების საფუძვლები რეალურად არსებობს თუ არა, ამის განმარტებები კეთდება ჩვენი მხრიდან. არჩილ თალაკვაძე და კახა კუჭავა იყვენენ აშშ-ში და პირადად მოახსენეს იმ პროცესების შესახებ, რაც საქართველოში მიმდინარეობს. ზოგიერთი კონგრესმენის მხრიდან შეშფოთება, პირადად ჩემთვისაც, შემაშფოთებელია, როცა ხშირ შემთხვევაში, მათი კრიტიკა ჩვენს ქვეყანაში არსებულ მზარდ დემოკრატიასა თუ ეკონომიკურ სვლასთან მიმართებით უსაფუძვლოდ გამოიხატება. ვფიქრობ, რომ სუვერენული ქვეყნის საქმიანობაში ჩარევა ასეთი ინტენსივობით არაა მიზანშეწონილი. მე, როგორც საქართველოს პარლამენტის წევრს, უფლება მაქვს, კონსტიტუციით მონიჭებული, საარჩევნო სისტემებთან დაკავშირებით მივიღო გადაწყვეტილებები",- განაცადა ლურსმანაშვილმა.

რაც შეეხება სამართალწარმოებას, კობა ლურსმანაშვილის განცხადებით, ვერ გაიზიარებს იმ აზრს, თითქოს ქვეყანაში ოპონენტებს ავიწროვებენ.

„წლების განმავლობაში მიმდინარეობს კონკრეტულ ქმედებებზე სამართალწარმოება, რომელთა საბოლოო შედეგიც ახლა დადგა და აქედან გამომდინარე, ეს ვერ იქნება პოლიტიკური ნიშნით გამორჩეული სამართლებრივი ქმედებები მიმართული ოპონენტების წონააღმდეგ. როცა ჩვენი ოპონირების რეჟიმში მყოფი მეგობრები ინფორმაციებს აწვდიან საზღვარგარეთ ჩვენს მეგობართა ჯგუფებს, მათ შორის ევროკავშირს, აშშ-ს კონგრესს თუ სენატის წარმომადგენლებს, სჯობს მათ სიმართლე ისაუბრონ, რადგან ტყუილს მოკლე ფეხები აქვს ისევე, როგორც მათ არაერთხელ მოუწიათ თავიანთ ტყუილებში გახლართვა. პოლიტპატიმრები მოიკითხონ თავიანთი მოღვაწეობის დროს, როცა უშუალოდ პირადად ახორციელებდნენ ტერორს. ვიზიარებ ზოგიერთ შემთხვევაში იმ კრიტიკას, რომელიც მეგობართა ჯგუფის მხრიდან მოდის, თუკი მას საფუძველი გააჩნია, ხოლო ისეთ შემთხვევებს როდესაც საფუძველს მოკლებულოა, ცხადია, ჩვენ და ჩვენი საპარლამენტო წარმომადგენლობა ეცდება, რომ სიმართლე მიიტანონ. მე ვფიქრობ, რომ გიგი უგულავა ვერანაირად ვერ ისარგებლებს პოლიტპატიმრის სტატუსით. აქედან გამომდინარე, ევროპარლამენტარის თუ კონგრესმენის შეხედულება უნდა ჩამოყალიბდეს იმ რეალობიდან, რამდენად შეიძლება აღვიქვამდეთ ჩვენ პოლიტპატიმრად გიგი უგულავას“, - განაცხადა ლურსმანაშვილმა.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო