რეჯეფ ტაიფ ერდოღანი - რუსეთი და ასადის რეჟიმი მშვიდობიან მოსახლეობას ხოცავენ - ჩვენი მოქმედება უკომპრომისო იქნება

თურქეთის პრეზიდენტის, რეჯეფ ტაიფ ერდოღანის თქმით, რუსეთი, ირანის მიერ მხარდაჭერილი სამხედროები და ასადის რეჟიმი იდლიბში მშვიდობიან მოსახლეობას ხოცავენ, რასაც ანკარა ვერ შეეგუება.

„კიდევ ერთხელ მინდა აღვნიშნო, რომ თავდასხმების სამიზნე, რომელსაც რეჟიმი და რუსეთი ახორციელებენ, მშვიდობიანი მოსახლეობაა და არა ტერორისტები“, - განაცხადა ერდოღანმა მმართველ, სამართლიანობისა და განვითარების პარტიისადმი მიმართვისას.

მისივე თქმით, იმ შემთხვევაში თუ რეჟიმი სირიაში სრულ კონტროლს დაამყარებს, საფრთხე თავად თურქეთის უსაფრთხოებას და სტაბილურობას დაემუქრება და მისი მოქმედება უკომპრომისო იქნება.

„ჩვენ ჯარისკაცებს თუნდაც პატარა ზიანი რომ მიადგეთ, მე ვაცხადებ აქედან - ჩვენ დავარტყამთ რეჟიმის ძალებს ნებისმიერ ადგილას, მიუხედავად იდლიბის საზღვრებისა და იმ ხაზებისა, რომელიც სოჭის შეთანხმებით არის გათვალიწინებული“,- განაცხადა ერდოღანმა და დასძინა, რომ ამისთვის ანკარა ნებისმიერ გზას, საჰაეროს თუ სახმელეთოს, უყოყმანოდ გამოიყენებს.

შეგახსენებთ, 2018 წელს, თურქეთი და რუსეთი შეთანხმდნენ, რომ იდლიბი დეესკალაციის ზონად ჩამოყალიბდებოდა, სადაც სამხედრო მოქმედებები უნდა შეწყვეტილიყო. ანკარამ ბოლო პერიოდის განმავლობაში მოსკოვს არაერთხელ მოუწოდა „შეეჩერებინა მოკავშირე ასადის რეჟიმი“, თუმცა ბოლო თავდასხმა თურქ ჯარისკაცებზე სწორედ მაშინ მოხდა, როცა რუსეთის დელეგაცია ანკარაში სირიაში მიმდინარე მოვლენებს განიხილავდა.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო