ირაკლი სესიაშვილი - არ აქვს მნიშვნელობა, პოლიტიკოსია თუ არა, თუ დანაშაული ჩაიდინა, მან პასუხი უნდა აგოს და ესეც სამართლებრივი სახელმწიფოს ვალდებულებაა

არ აქვს მნიშვნელობა, პოლიტიკოსია თუ არა, თუ დანაშაული ჩაიდინა, მან პასუხი უნდა აგოს და ესეც სამართლებრივი სახელმწიფოს ვალდებულებაა, - ამის შესახებ ჟურნალისტებს პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა განუცხადა.

მისივე თქმით, მმართველი პარტია ამერიკისგან სანქციებს არ ელოდება.

„ამერიკელი თუ ევროპელი კოლეგების განცხადებებს ყურადღებით ვეცნობით და მხედველობაში ვიღებთ, თუმცა ერთია, პოლიტიკური პროცესი და მეორეა, კანონის უზენაესობის დაცვა. რაც შეეხება პოლიტიკურ პროცესზე ეჭვებს და სხვადასხვა შეფასებებს, ამ თვალსაზრისით არსებობს როგორც სუბიექტური, ასევე ობიექტური მხარე. ჩვენი მხრიდან შეთავაზება, რომ დიალოგის გზით მივაღწიოთ სასურველ პოლიტიკურ მშვიდობიან პროცესს, ეს არის სწორი ნაბიჯი და ამას მხარს უჭერს ყველა ჩვენი პარტნიორი ქვეყანა. თუმცა, ოპოზიციის მხრიდან რადიკალურ პოზიციებს ვხედავთ, რაც მიმართულია პროცესის დესტრუქციისკენ. ადგილი აქვს სხვადასხვა გამოსვლებს, სადაც არის აგრესიული გამოსვლები, გარკვეული მოწოდებებიც, რაც არ ახდენს სიტუაციის დეესკალაციას. ჩვენი ინტერესია, დიალოგის წარმართვა. ერთია, ცალკეული კონგრესმენების მიერ დაყენებული საკითხები, მაგლითად, „ფრონტერაზე" იცით, რომ საქმე საარბიტრაჟო სასამართლოშია და ჩემი კომენტარი ზედმეტია. ცხადია, სახელმწიფომ თავისი ინტერესები უნდა დაიცვას"- განაცხადა სესიაშვილმა.

მისივე თქმით, სასამართლო რა გადაწყვეტილებასაც მიიღებს, სახელმწიფო ისე მოიქცევა.

„ცალკეული კონგრესმენებისგან იქნება თუ ევროპარლამენტარების მხრიდან რაიმე სანქციებზე საუბარი, ეს მათი სუბიექტური პოზიციაა, მეორეა, სახელმწიფოებს შორის ურთიერთობა და თანამშრომლობა. იცით, რომ ამერიკასთან არაჩვეულებრივი ურთიერთობა გვაქვს. ამერიკის თავდაცვისა და უსაფრთხოების სფეროში მათი მხარდაჭერა ფასდაუდებელია. ამერიკამ საქართველოს 2021 წლის ბიუჯეტით 170 მილიონი დოლარი გამოუყო, რაც რეკორდული თანხაა. ეს მიანიშნებს მეტ თანამშრომლობას და პარტნიორობას, შესაბამისად, არანაირ სანქციებს არ ველოდებით“, - განაცხადა სესიაშვილმა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება