სავაჭრო-სამრეწველო პალატის თანამშრომლებისთვის, ქალთა გაძლიერების პრინციპების დანერგვის ხელშეწყობასა და კერძო სექტორში მათი იმპლემენტაციის მნიშვნელობაზე ტრენინგი ჩატარდა

10-12 თებერვალს, სავაჭრო-სამრეწველო პალატის თანამშრომლებისთვის ქალთა გაძლიერების პრინციპების დანერგვის ხელშეწყობასა და კერძო სექტორში მათი იმპლემენტაციის მნიშვნელობაზე მეორე ტრენინგი ჩატარდა. როგორც „ინტერპრესნიუსს“ სავაჭრო-სამრეწველო პალატიდან აცნობეს, ტრენინგი მოიცავდა ქალთა გაძლიერების პრინციპების მიმოხილვას და ამ გლობალურ ქსელში კომპანიების მოზიდვისა და ჩართვის ტექნიკებს.

მათივე ინფორმაციით, ტრენინგის მონაწილეები გაეცნენ კომპანიაში გენდერული სხვაობის ანალიზის ჩატარებასა და შესაბამისი სამოქმედო გეგმის შემუშავებას. გარდა ამისა, რეგიონულ წარმომადგენლებთან ერთად გენდერული თანასწორობისა და ქალთა გაძლიერების პრინციპების თაობაზე თბილისსა და რეგიონებში საინფორმაციო სესიები დაიგეგმა.

„ტრენინგი გაერო-ს ქალთა ორგანიზაციის პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში“ (JAWE) ფარგლებში ჩატარდა.

პალატა პროექტში 2019 წლის ოქტომბერში ჩაერთო. მსოფლიო მასშტაბით საქართველოს სავაჭრო-სამრეწველო პალატა გახდა პირველი პალატა, რომელმაც ქალთა გაძლიერების პრინციპებს მოაწერა ხელი.

გაეროს ქალთა ორგანიზაციისა და საქართველოს სავაჭრო-სამრეწველო პალატის თანამშრომლობის მიზანია კერძო სექტორში გენდერული თანასწორობისა და ქალთა ეკონომიკური გაძლიერების მნიშვნელობასა და აუცილებლობაზე ცნობიერების ამაღლება. პროექტი ნორვეგიის საგარეო საქმეთა სამინისტროს მხარდაჭერით ხორციელდება“, - აღნიშნულია ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს