საკრუიზო გემი, Westerdam -ი კამბოჯისკენ მიცურავს. მას შემდეგ რაც ხომალდს რამდენიმე ქვეყანამ საკუთარ პორტში შეშვებაზე უარი უთხრა, კამბოჯა საბოლოოდ დათანხმდა მის მიღებას.

გემი, რომელიც ჰონგ-კონგიდან იაპონიის მიმართულებით მიცურავდა, არ შეუშვეს იაპონიაში, გუამში, ტაილანდსა და ფილიპინებში. ამ უკანასკნელმა თავდაპირველად ხომალდს პორტში შესვლის ნებართვა მისცა, თუმცა მოგვიანებით გადაიფიქრა. აღნიშნულის მიზეზი კორონავირუსის გავრცელების საფრთხეა.

კრუიზის მფლობელ კომპანიაში აცხადებენ, რომ ამჯერად მოგზაურობა დასრულდება და კამბოჯის ხელისუფლებას მადლობას უხდიან.

აღსანიშნავია, რომ გემზე 3 000-მდე ადამიანი იმყოფება. მათ შორის კორონავირუსის არც ერთი შემთხვევა არ დაფიქსირებულა.