დავით საგანელიძემ საქართველოში ისრაელის ახლად დანიშნული საგანგებო და სრულუფლებიანი ელჩი რან გიდორი მიიღო

„საპარტნიორო ფონდის“ აღმასრულებელმა დირექტორმა დავით საგანელიძემ საქართველოში ისრაელის ახლად დანიშნული საგანგებო და სრულუფლებიანი ელჩი რან გიდორი მიიღო. ამის შესახებ „ინტერპრესნიუსს“ „საპარტნიორო ფონდიდან“ აცნობეს.

მათი ინფორმაციით, ფონდში გამართულ გაცნობით შეხვედრაზე მხარეებმა ორ ქვეყანას შორის არსებული ხანგრძლივი ისტორიული, კულტურული და ბიზნეს ურთიერთობების შესახებ ისაუბრეს. დავით საგანელიძემ და ფონდის აღმასრულებელი დირექტორის მოადგილე გიორგი დანელიამ ელჩს „საპარტნიორო ფონდის“ საქმიანობა გააცნეს და ისრაელის კომპანიებთან განხორციელებული საინვესტიციო პროექტების შესახებ მიაწოდეს ინფორმაცია.

საქართველოში ისრაელის ელჩმა, რან გიდორმა აღნიშნა, რომ მისთვის ერთ-ერთი მთავარი პრიორიტეტი ორ ქვეყანას შორის სავაჭრო-ეკონომიკური ურთიერთობების გაღრმავებაა და ამ მხრივ, „საპარტნიორო ფონდთან“ თანამშრომლობის მნიშვნელობას გაუსვა ხაზი. შეხვედრას, ასევე, ესწრებოდა ისრაელის საერთაშორისო თანამშრომლობის განვითარების სააგენტოს – მაშავის კოორდინატორი გიორგი ჟღენტი.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)