მიხეილ კალანდიას ადვოკატი აცხადებს, რომ კალანდიას მხრიდან ჩვენების მიცემაზე უარის თქმა ჩვენებისთვის თავის არიდებას არ ნიშნავს

დავით სარალიძის განზრახ ჯგუფურად მკვლელობის ბრალდებით დაკავებული მიხეილ კალანდიას ადვოკატი ზურაბ თოდუა აცხადებს, რომ კალანდიას მხრიდან ჩვენების მიცემაზე უარის თქმა თავის არიდებას არ ნიშნავს.

აღნიშნულის შესახებ თოდუამ სასამართლო პროცესის დასრულების შემდეგ ჟურნალისტებს განუცხადა.

„ეს არ არის თავის არიდება. ჩვენ ვმუშაობთ შეჯიბრებითობისა და თანასწორობის პრინციპიდან გამომდინარე. უზენაეს სასამართლოს მიხეილ კალანდიას დაცვის უფლებები აქვს დარღვეული“, - განაცხადა თოდუამ.

მან დღევანდელ სასამართლო პროცესზე მიხეილ კალანდიას ბიძის, დიმიტრი კაკუბავასა და პარლამენტის რამდენიმე წევრის დაკითხვის შუამდგომლობაც დააყენა, რაც სასამართლომ არ დააკმაყოფილა.

რაც შეეხება მიხეილ კალანდიას ბრალეულობას, როგორც თოდუა აცხადებს, საქმეში მის წინააღმდეგ არცერთი მტკიცებულება არ არსებობს.

„განაჩენთან დაკავშირებით ვერაფერს გეტყვით. ბრალდების დასკვნითი სიტყვა უნდა მოვისმინოთ და ამის შემდეგ შემიძლია გითხრათ, რა ხარისხის მტკიცებულებები არის ბრალდების მიერ ამ საქმეზე დანახული. მე მხოლოდ ის შემიძლია გითხრათ, რომ ჩატარებული სასამართლო გამოძიების შედეგად მიხეილ კალანდიას წინააღმდეგ ბრალი თავიდან ბოლომდე შეთითხნილია და ის პოლიტიკური დატვირთვას ატარებს. არცერთი მტკიცებულება მის მიმართ შერაცხულ ბრალზე საქმეში არ მოიპოვება“, - განაცხადა თოდუამ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ