გერმანიის ჯანდაცვის მინისტრის იენს სპანის განცხადებით, ევროკავშირმა კორონავირუსის გავრცელებასთან დაკავშირებით პასუხისმგებლობა უნდა აიღოს და COVID-19-ის შესაჩერებლად და გასაკონტროლებლად ბიუჯეტიდან გარკვეული თანხა გამოყოს.
„ჯანდაცვის მსოფლიო ორგანიზაციის თხოვნას ფინანსურ დახმარებასთან დაკავშირებით არა მხოლოდ ცალკეულმა ქვეყნებმა უნდა უპასუხონ, არამედ პასუხისმგბლობა საკუთარი ბიუჯეტის რესურსებით ევროკავშირმაც უნდა აიღოს,“- განაცხადა სპანმა.
გერმანიის ჯანდაცვის მინისტრი არ დაეთანხმა პარლამენტის მიერ შეთავაზებულ გეგმას იმასთან დაკავშირებით, რომ ადამიანებს აეროპორტებში ტემპერატურა გაუზომონ. მისი განმარტებით, ასეთი ღონისძიებას არაეფექტური იქნება, ვინაიდან, შესაძლოა, ადამიანი დაინფიცირებული იყოს, მაგრამ ვირუსის სიმპტომები არ აღენიშნებოდეს იმ დროს, როცა მას შემოწმებას უტარებენ.
აღსანიშნავია, რომ გერმანიაში, კორონავირუსით დაინფიცირების კიდევ ორი შემთხვევა დადასტურდა და დაავადებულთა საერთო რაოდენობა 16-მდე გაიზარდა.