მამუკა ხაზარაძე - ყველაფერი მიმართულია ჩვენი კურსის ცვლილებისკენ - ეს სცენარი არ უნდა განხორციელდეს

“თუ ხელისუფლებას ჩვენი ქვეყნის მომავალი აწუხებს, არანაირ მაგიდასთან დაჯდომა და ზედმეტი შოუები საჭირო არ არის, მიიღონ გადაყვეტილება და დადონ“, - ამის შესახებ „ლელო საქართველოსთვის“ ლიდერმა მამუკა ხაზარაძემ ჟურნალისტებთან საუბრისას განაცხადა.

მისი თქმით, „ყველაფერი არის ხელისუფლების ხელში და თუ ისინი არ მიიღებენ სწორ გადაწყვეტილებას, მიიღებენ საკადრისს პასუხს და ეს იქნება არჩევნების გზით მათი გასტუმრება“.

„ეს ხელისუფლება ქართველ ხალხს დაპირდა პროპორციულ არჩევნებს. ეს იყო დაპირება და ეს მიიღეს როგორც კარგი და კეთილი ჟესტი არა როგორც ვიღაცის სასარგებლოდ, არამედ ჩვენი ქვეყნის განვითარების სასარგებლოდ და ეს დაპირება მათ უკან წაიღეს. გადაახიეს ეს დაპირება ბიძინა ივანიშვილის თამადობით ქართველ მოსახლეობას და ქართველ ხალხს და შესაბამისად, არანაირი მოლაპრაკების მაგიდასთან დაჯდომა და ზედმეტი რაუნდის გამართვა საჭირო არ არის. მე ვფიქრობ, რომ ყველა ეს ქმედება, რომელიც მოდის „ქართული ოცნებიდან“ , ანაკლიის პორტზე უარის თქმა და მეორე წუთში ჩრდილოეთის მიმართულებით ნახევარი მილიარდი დოლარის ვალის აღება სახელმწიფო ბიუჯეტის ხარჯზე, რათა აშენდეს ჩრდილოეთის მიმართულებით გზა, პროპორციულ არჩევნებზე უარის თქმა - ეს ყველაფერი მიმართულია ჩვენი კურსის ცვლილებისკენ. ამას ვამბობ მთელი პასუხისმგებლობით, თუ დააკვირდებით რა ხდება კრემლში, ბელარუსთან მოლაპარაკებებში და სხვა ქმედებებში, რომლებსაც კრემლი ახორციელებს, მარტივი მისახვედრია, რა სცენარით მიემართება საქართველო. ეს სცენარი არ უნდა განხორციელდეს იმიტომ, რომ ქართველი ხალხის არჩევანი არის ევროპულ ოჯახში ინტეგრირება და შესაბამისად, თავისუფლებას ვერანაირ ხარჯზე ვერ დავთმობთ!“ - განაცხადა ხაზარაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე