სერგეი ლავროვის საქართველოში ჩამოსვლა უნდა გამოირიცხოს, თორემ ხელისუფლება ისეთ საპროტესტო ტალღას მიიღებს, მთავრობასა და ივანიშვილს ასლან აბაშიძესავით ლავროვის თვითმფრინავით მოუწევთ გაქცევა, - ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ „ინტერპრესნიუსს" განუცხადა. ამით გოცირიძე გამოეხმაურა გრიგორი კარასინის განცხადებას, რომ რუსეთის დელეგაცია თბილისში დაგეგმილ ევროსაბჭოს მინისტრთა კომიტეტის სხდომაში მონაწილეობას მიიღებს. გოცირიძის თქმით, თუკი რუსეთი საქართველოში ისეთ ადამიანებს გამოგზავნის, რომლებსაც ოკუპირებული ტერიტორიების შესახებ კანონი დარღვეული აქვთ, ეს მიზანმიმართული პროვოკაცია იქნება.
„რაც შეეხება სერგეი ლავროვს, მისი ჩამოსვლა უნდა გამოირიცხოს, თორემ ხელისუფლება ისეთ საპროტესტო ტალღას მიიღებს, რომ მთავრობასა და ივანიშვილს ასლან აბაშიძესავით ლავროვის თვითმფრინავით მოუწევთ გაქცევა. მეტი ვერავინ ჩაეტევა. მოსამართლეებს ისედაც არ წაიყვანენ. მათ დამოუკიდებელი ქართული სასამართლო გაასამართლებს," - განაცხადა რომან გოცირიძემ.