ირაკლი ღარიბაშვილი ბრიუსელში ჩეხ კოლეგას შეხვდა

საქართველოს თავდაცვის მინისტრი ნატო-ს თავდაცვის მინისტერიალის ფარგლებში ორმხრივ შეხვედრებს განაგრძობს. ნატო-საქართველოს არსებითი პაკეტის (SNGP) განხორციელებაში მონაწილეობა და ორმხრივი თანამშრომლობის პერსპექტივები განიხილა ირაკლი ღარიბაშვილმა ჩეხ კოლეგასთან ლუბომირ მეტნართან შეხვედრაზე.

როგორც „ინტერპრესნიუსს“ საქართველოს თავდაცვის სამინისტროდან აცნობეს, მინისტრმა ჩეხ კოლეგას საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა და ორმხრივი თანამშრომლობის გაღრმავებაზე გაამახვილა ყურადღება. ამ კონტექსტში ირაკლი ღარიბაშვილმა აღნიშნა, რომ სტრატეგიული მნიშვნელობის მქონე შეხვედრებსა და მაღალი დონის ვიზიტებს დიდი მნიშვნელობა ენიჭება.

„მინისტრები შეთანხმდნენ, რომ უახლოეს მომავალში ჩეხეთსა და საქართველოში გაცვლითი ვიზიტები განხორციელდება. მხარეებმა ლოჯისტიკური და სამხედრო განათლების მიმართულებებით თანამშრომლობის საკითხებზეც იმსჯელეს. შეხვედრაზე საუბარი ასევე შეეხო, ნატოსა და ევროკავშირის ეგიდით ავღანეთსა და აფრიკის კონტინენტზე მიმდინარე საერთაშორისო მისიებში საქართველოს კონტრიბუციას“, - ნათქვამია სამინისტროს მიერ გავრცელებულ ინფორმაციაში.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ