ინფექციური საავადმყოფოს სამედიცინო დირექტორის განცხადებით, მათთან დღეს შეყვანილ, ჩინეთიდან ჩამოსულ საქართველოს მოქალაქეს, დიდი ალბათობით, ახალი კორონავირუსი არ აქვს

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საავადმყოფოში დღეს შეყვანილ, ჩინეთიდან ჩამოსულ საქართველოს მოქალაქეს, დიდი ალბათობით, ახალი კორონავირუსი არ აქვს.

როგორც მარინა ეზუგბაიამ ჟურნალისტებს განუცხადა, 26 წლის ახალგაზრდა ქალი 15 იანვრის შემდეგ იმყოფებოდა ჩინეთში, ბურჯიანის პროვინციაში.

ექიმის განმარტებით, როგორც თვითონ პაციენტი ამბობს, ჩასვლის შემდეგ იზოლირებულად ცხოვრობდა, საკვებს ბინაზე მომსახურების მეშვეობით იღებდა. ექიმის თქმით, პაციენტი აღნიშნავს, რომ ინფიცირებულ პირთან კონტაქტი არ ჰქონია.

ამასთან, მარინა ეზუგბაიას ინფორმაციით, პაციენტი გუშინ გამოფრინდა შანხაიდან ტრანზიტით: შანხაი - მოსკოვი - ერევანი.

„როდესაც უკვე ჩვენთან შემოვიდა სადახლოს საკონტროლო პუნქტზე, იქ აღინიშნა, რომ ტემპერატურა აქვს 37,5 გრადუსი და იშვიათი ხველა. იმის გათვალისწინებით, რომ ჩინეთში იყო ნამყოფი და ინკუბაციის პერიოდი არ არის გასული, აქვს დაბალი ტეპერატურა და ხველა, პაციენტი ჩვენთან მოიყვანეს. ის ბოქსირებულ განყოფილებაში მოთავსდა. აღებულია კვლევები. პნევმონია გამოირიცხა, სისხლის და ანთების მარკირებაში რაიმე მნიშვნელოვანი ცვლილებები არ აღინიშნება. შემოსვლის შემდეგ ტეპერატურის მატება არ დაფიქსირებულა, პირიქით, ტემპერატურა თითქმის უკვე ნორმალურია და 37 გრადუსს აღარ აღემატება.

ლუგარის ლაბორატორიის სამსახურიდან მოვიდნენ, აიღეს ცხვირ-ხახის ნაცხი ახალ კორონავირუსზე ტესტისთვის, რაც წაღებულია და დღის მეორე ნახევარში, ალბათ, პასუხი იქნება. ამ სიტუაცას თუ შევაჯერებთ, დიდი ალბათობით, არ უნდა ველოდოთ ტესტის დადებით პასუხს", - განაცხადა ეზუგბაიამ.

ექიმის თქმით, მართალია, ტემპერატურამ დაიწია, მაგრამ 24 საათის განმავლობაში პაციენტს დააკვირდებიან.

ამასთან, ინფექციური საავადმყოფოს ექიმის ინფორმაციით, 30 იანვრის შემდეგ თბილისის ინფექციურ საავადმყოფოში კვლევა და მკურნალობა ჩაიტარა ამ ქალის ჩათვლით 15-მა ადამიანმა. მარიან ეზუგბაიას განმარტებით, 14 პაციენტთან უკვე ჩატარდა ცხვირ-ხახის ნაცხის ტესტირება ახალ კორონავირუსზე და შედეგი ყველასთან უარყოფითი იყო.

იხილეთ ვიდეო: ინფექციურ საავადმყოფოში აცხადებენ, რომ ჩინეთიდან ჩამოსულ საქართველოს მოქალაქეს კორონავირუსი დიდი ალბათობით არ აქვს

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ