როგორც ჩემთვის ცნობილია, ძალიან ბევრი პოზიტიური მესიჯია გახმოვანებული, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებთან საქართველოს საგარეო საქმეთა სამინისტროში გერმანიიდან და საფრანგეთიდან გაგზავნილ წერილებთან დაკავშირებით განაცხადა.

მისივე თქმით, ოპოზიცია იმ იმედით სპეკულირებს, რომ გამომგზავნი მხარე ამ წერილებს არ გაასაჯაროებს.

„მისი გამოქვეყნების პრეროგატივა გააჩნია მხოლოდ და მხოლოდ მათ, ვინც ასეთ წერილებს აგზავნის. აქედან გამომდინარე, თუ ისინი ამას არ მოინდომებენ, საქართველოს მხარე ამას ვერ გააკეთებს და იმ მოლოდინით, რომ შეიძლება არ გამოაქვეყნონ, ამით სპეკულირებს ოპოზიცია, ეს ასეა. სპეკულაციურია ის ყველაფერი, რასაც ისინი ლაპარაკობენ ამ წერილებზე, რომლის გასაჯაროება მხოლოდ გამომგზავნ მხარეს შეუძლია,"- განაცხადა მდინარაძემ.