ბიზნესმენმა ავთანდილ წერეთელმა საზღვარგარეთ მკურნალობისთვის ქვეყნიდან გასვლის ნებართვის თხოვნით პროკურატურას მიმართა

ბიზნესმენმა ავთანდილ წერეთელმა გენერალურ პროკურატურას საქართველოს საზღვრის გადაკვეთისთვის ნებართვა სთხოვა.

როგორც ავთანდილ წერეთლის ადვოკატმა კახა წერეთელმა „ინტერპრესნიუსს“ განუცხადა, მოთხოვნა პროკურატურას დღეს ჩაბარდა. მისივე ინფორმაციით, ავთანდილ წერეთელმა ავსტრიის ერთ-ერთ კლინიკაში კარდიოლოგიური გამოკვლევა უნდა ჩაიტაროს, რის დასადასტურებლადაც გენერალურ პროკურატურას ავსტრიის კლინიკიდან შესაბამისი დოკუმენტაციაც მიაწოდეს.

“დღეს შევიტანეთ განცხადება პროკურატურაში და ვითხოვეთ ნებართვა, ვინაიდან, ავთანდილ წერეთელს აღკვეთის ღონისძიებასთან ერთად, დამატებითი ღონისძიების სახით შეფარდებული აქვს, რომ პროკურატურის ნებართვის გარეშე ქვეყანა არ დატოვოს. საზოგადოებისთვის ცნობილია, რომ წერეთელი სამკურნალო დაწესებულებაში იყო მოთავსებული 4 თუ 5 დღის განმავლობაში. მას ესაჭიროება კარდიოლოგის კვლევა. ამ მიზნით, ის 21 თებერვალს ავსტრიაში, ერთ-ერთ კლინიკაშია დაბარებული. ამიტომ მოვითხოვეთ ნებართვა 20 თებერვლიდან 7 მარტის ჩათვლით. აქამდეც გვქონდა მსგავსი მიმართვა და პროკურატურამ გასცა თანხმობა, ახლაც მოლოდინი გვაქვს, რომ პროკურატურა ამ თანხმობას მოგვცემს.

ჩვენ პროკურატურას წარვუდგინეთ მოთხოვნები სათანადო დოკუმენტების თანხლებით, როგორს საქართველოში მკურნალობის შესახებ, ასევე მოწვევა უცხოეთის კლინიკიდან. მოთხოვნილი გვაქვს 2-კვირიანი პერიოდი, რადგან არ ვიცით, გამოკვლევებს რა შედეგი მოჰყვება, რა მკურნალობას დაუნიშნავენ, ამიტომ, ვფიქრობთ, ეს 20 თებერვლიდან 7 მარტის ჩათვლით პერიოდი იქნება საკმარისი. პროკურატურის პასუხის ვადა განსაზღვრული არ არის, თუმცა, მოლოდინი გვაქვს, რომ ხვალ დღის ბოლომდე, ან ორშაბათს მივიღებთ პასუხს“, - განაცხადა კახა წერეთელმა „ინტერპრესნიუსთან“ საუბრისას.

გავრცელებული ინფორმაციით, ავთანდილ წერეთელს გულთან დაკავშირებული პრობლემები აქვს. წერეთელი კლინიკაში 6 თებერვალს მას შემდეგ გადაიყვანეს, რაც ის აბაზანაში უგონო მდგომარეობაში იპოვეს, კლინიკიდან კი 11 თებერვალს გაწერეს.

ავთანდილ წერეთელი „თიბისი ბანკის“ დამფუძნებლების, მამუკა ხაზარაძესა და ბადრი ჯაფარიძესთან ერთად ბრალი აქვს წარდგენილი საქმეზე, რომელიც პროკურატურის მტკიცებით 2008 წელს მოხდა და ფულის გათეთრებას ეხება.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 20.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ