დავით მათიკაშვილი - თუ როგორ მოიქცა, ასოცირების საპარლამენტო კომიტეტზე, „ნაციონალური მოძრაობა“ ქართული საზოგადოება შეაფასებს და პასუხი იქნება ძალიან მძიმე

იმას, თუ როგორ მოიქცა, ასოცირების საპარლამენტო კომიტეტზე, „ნაციონალური მოძრაობა“, შეაფასებს ქართული საზოგადოება და ეს პასუხი იქნება ძალიან მძიმე, - ასე ეხმაურება საქართველოს პარლამენტის უმრავლესობის წევრი დავით მათიკაშვილი ევროკავშირი-საქართველოს ასოცირების საპარლამენტო კომიტეტზე რეზოლუციის ჩაგდებას.

როგორც მათიკაშვილი აცხადებს, არ დაუჭირო მხარი იმ რეზოლუციას, რომელიც ეკუთვნის შენს ხალხს და არა რომელიმე პოლიტიკურ პარტიას, დანაშაულია.

"იმას თუ როგორ მოიქცა, ასოცირების საპარლამენტო კომიტეტზე, „ნაციონალური მოძრაობა“, შეაფასებს ქართული საზოგადოება და ეს პასუხი იქნება ძალიან მძიმე. არ დაუჭირო მხარი იმ რეზოლუციას, რომელიც ეკუთვნის შენს ხალხს და არა რომელიმე პოლიტიკურ პარტიას, არის დანაშაული, თანაც ეს გააკეთო მხოლოდ იმის მერე, როცა მომხსენებლის მხრიდან შენს მიერ შეთავაზებული ნეგატიური ცვლილებები არ იქნება გაზიარებული. სწორედ ასეთ ფაქტს ჰქონდა დღეს ადგილი სტრასბურგში, ევროკავშირი-საქართველოს ასოცირების საპარლამენტო კომიტეტზე, და ეს ახარებთ მათ, ვინც ჩვენი ქვეყნის მტრობა დაისახა მიზნად. ცნობისთვის, ევროპარლამენტში რეზოლუცია 2013 წელსაც ჩავარდა, თუმცა, მას შემდეგ, ხელისუფლების დამსახურებით, საგარეო ასპარეზზე ძალიან ბევრ წარმატებას მივაღწიეთ და მომავალშიც აუცილებლად მივაღწევთ",- აცხადებს მათიკაშვილი, რომელის კომენტარსაც პარლამენტის პრესასამსახური ავრცელებს.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა