ჯანდაცვის მსოფლიო ორგანიზაცია - კორონავირუსის საწინააღმდეგო ვაქცინის შექმნას, შესაძლოა, ასეულობით მილიონი დოლარი და რამდენიმე თვე დასჭირდეს

ქვეყნების მთავრობებმა და ფარმაცევტულმა კომპანიებმა სასწრაფოდ უნდა დაიწყონ ძვირადღირებული და სარისკო სამუშაო კორონავირუს COVID-19-ის საწინააღმდეგო ვაქცინის შესაქმნელად, - ამის შესახებ ჯანდაცვის მსოფლიო ორგანიზაციის საგანგებო სიტუაციების პროგრამის ხელმძღვანელმა მაიკლ რაიანმა განაცხადა.

მისივე თქმით, საჭიროა „დიდი გადაწყვეტილებების“ მიღება, ვინაიდან ვაქცინების შექმნა უზარმაზარ ინვესტიციასა და როგორც სახელმწიფო ისე კერძო სექტორის მხრიდან გარკვეულ რისკს მოითხოვს.

„ამისთვის საჭიროა ასეულობით მილიონი დოლარი. შესაძლოა, რამდენიმე პოტენციური ვაქცინის შექმნა გახდეს საჭირო, თუმცა არ არსებობდეს იმის უტყუარი საბუთი, რომ რომელიმე მათგანი იმუშავებს,“ - განაცხადა მაიკლ რაიანმა ჟენევაში, კორონავირუსის საკითხზე გამართულ ყოველდღიურ ბრიფინგზე.

შეგახსენებთ, არსებული მონაცემებით, ჩინეთში, კორონავისურით გარდაცვლილთა რიცხვი 1350-მდე გაიზარდა. დაინფიცირების დადასტურებულმა შემთხვევებმა კი, მსოფლიოს მასშტაბით, 46,550-ს მიაღწია.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში