„საქართველოს მელიორაცია“ სამელიორაციო ინფრასტრუქტურის მოწესრიგებას აგრძელებს

გარემოს დაცვისა და სოფლის მეურნეობის სამინისტროს შპს „საქართველოს მელიორაცია“ სამელიორაციო ინფრასტრუქტურის მოწესრიგებას ქვეყნის მასშტაბით აქტიურად აგრძელებს, - ამის შესახებ „ინტერპრესნიუსს“ სამინისტროდან აცნობეს. მათივე ცნობით, რეაბილიტაცია უტარდება თბილისის წყალსაცავის პატარა ზღვის წყალმიმღებ კვანძს და არხს.

„პროექტის ფარგლებში გაიწმინდა შემოვლითი არხი; გაწმენდითი სამუშაოები ჩაუტარდა წყალმიმღები კოშკის გვირაბს და გალერეას; გადაიხურა და ფილებით მოპირკეთდა გალერეა; გალერეის გასწვრის ნაპირები მოპირკეთდა რკინაბეტონის ფილებით.

სამუშაოები, რომელიც დასრულების ეტაპზეა კომპანიამ საკუთარი ძალებით 2019 წლის ნოემბერში დაიწყო.

ჩატარებული სამუშაოები ზემო სამგორის სარწყავი სისტემის ქვემო მაგისტრალურ არხში წყლის მიწოდების გაუმჯობესებას უზრუნველყოფს. შედეგად, ქვემო ქართლში, 6000 ჰექტარზე მეტ სასოფლო-სამეურნეო მიწის ფართობზე გააუმჯობესებს სარწყავი წყლის მიწოდებას.

პროექტის ღირებულებაა 338 ათასი ლარი“, - აღნიშნულია უწყების მიერ გავრცელებულ ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს