არჩილ თალაკვაძე - ჩვენ საერთაშორისო ვალდებულებებს შევასრულებთ იმ ფარგლებში, რასაც ჩვენი ეროვნული ინტერესები ითვალისწინებს

ჩვენ საერთაშორისო ვალდებულებებს შევასრულებთ იმ ფარგლებში, რასაც ჩვენი ეროვნული ინტერესები ითვალისწინებს, - ამის შესახებ პარლამენტის თავმჯდომარე არჩილ თალაკვაძემ თბილისში, მაისში დაგეგმილ ევროსაბჭოს მინისტრთა კომიტეტის სხდომაზე რუსეთის დელეგაციის ვიზიტთან დაკავშირებით განაცხადა.

როგორც თალაკვაძემ აღნიშნა, არავითარი კომპრომისი ეროვნული ინტერესების ხარჯზე არ იქნება.

„თავმჯდომარეობის ფარგლებში გვაქვს საერთაშორისო ვალდებულებები, რომ ევროპის საბჭოს სამუშაო პროცესი უზრუნველვყოთ ისე, როგორც ეს წინა თავმჯდომარე ქვეყანამ გააკეთა. ეს არის დადგენილი პრაქტიკა და ჩვენ ჩვენ საერთაშორისო ვალდებულებებს შევასრულებთ იმ ფარგლებში, რასაც ჩვენი ეროვნული ინტერესები ითვალისწინებს. არავითარი კომპრომისი და არავითარი დათმობა ჩვენი ეროვნული ინტერესების ხარჯზე არ მოხდება. ბატონ ლავროვთან და რუსეთის დელეგაციასთან დაკავშირებით პირველი განცხადებები ჩვენ გავაკეთეთ, ახლა ოპოზიციის უკან მიდევნებული მკაცრი რიტორიკა აქ არაფერს არ ცვლის. ჩვენ კარგად ვიცით, რუსეთი ახორციელებს უკანონო ოკუპაციას და ნებისმიერ საერთაშორისო ფორმატში, სადაც ჩვენ შევხვდებით რუსეთის დელეგაციას თუ მის წარმომადგენლობს - მინისტრებს, თუ ხელმძღვანელ პირებს, ჩვენი პოზიციები იქნება ძალიან პრინციპული და მკაცრი. რაც შეეხება ამ ღონისძიების ჩატარებას, ჩვენ პარტნიორებთან ერთად მივიღებთ გადაწყვეტილებას, თუ როგორ და რა ფორმატით ჩატარდება. ნებისმიერ შემთხვევაში საქართველოს ეროვნული ინტერესები და კანონმდებლობა იქნება დაცული და ჩვენ ასევე შევასრულებთ ჩვენს საერთაშორისო ვალდებულებებს“, - განაცხადა არჩილ თალაკვაძემ.

შეგახსენებთ, ევროსაბჭოს მინისტრთა კომიტეტის სხდომა თბილისში მიმდინარე წლის მაისშია დეგეგმილი.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის