ნათია თურნავა აცხადებს, რომ 2019 წელს ეკონომიკის სამინისტრომ მუშაობის ტემპი ძალიან აამაღლა
ეკონომიკისა და მდგრადი განვითარების მინისტრი, ნათია თურნავა აცხადებს, რომ 2019 წელს ეკონომიკის სამინისტრომ მუშაობის ტემპი ძალიან აამაღლა.
„ჩვენ დავაჩქარეთ პრივატიზაცია, სხვადასხვა ლიცენზიების გაცემა, წიაღის დამუშავება და 2019 წელს პროგრამამ „აწარმოე საქართველოში" 3-ჯერ მეტ პროექტს დაუჭირა მხარი, ვიდრე 2018 წელს“, - განაცხადა ნათია თურნავამ.
მისი თქმით, პროგრამა „აწარმოე საქართველოში" მძლავრ ბერკეტად იქცა, რომლითაც სახელმწიფო, კერძოდ კი ეკონომიკის სამინისტრო მცირე და საშუალო ბიზნესს ეხმარება.
ცნობისთვის, დღეს ეკონომიკისა და მდგრადი განვითარების მინისტრი ნათია თურნავა სსიპ სააგენტოს „აწარმოე საქართველოში“ წლიური ანგარიშისა და სამომავლო გეგმების პრეზენტაციას დაესწრო და ღონისძიება მისასალმებელი სიტყვით გახსნა.
