არჩილ თალაკვაძე - მარია ზახაროვას და მათ, ვისაც ის  წარმოადგენს, მინდა ვუპასუხო - თუ მათი სიტყვები ცარიელი სიტყვები არაა, დააბრუნონ ოკუპირებული ტერიტორიები

პარლამენტის თავმჯდომარე არჩილ თალაკვაძე რუსეთის სპეციალურ წარმომადგენელს მარია ზახაროვას პასუხობს და რუსეთს მოუწოდებს გაიყვანონ საკუთარი ჯარები ოკუპირებული ტერიტორიებიდან.

„ქალბატონ ზახაროვას და ასევე ადამიანებს, ვისაც ის წარმოადგენს, მინდა ვუპასუხო - თუ მათი სიტყვები, საქართველო არის სუვერენული სახელმწიფო არ არის ცარიელი სიტყვები და თვალთმაქცობა, მაშინ, პირველ რიგში, დააბრუნონ ოკუპირებული ტერიტორიები და გაიყვანონ საკუთარი ჯარისკაცები ჩვენი რეგიონებიდან"- განაცხადა ჟურნალისტებთან საუბრისას თალაკვაძემ.

შეგახსენებთ, რომ მარია ზახაროვა ევროსაბჭოს მინისტრთა კომიტეტის სხდომაზე საქართველოში რუსეთის დელეგაციის საკითხს გამოეხმაურა და აღნიშნა, რომ სუვერენულ სახელმწიფოში არაფერი უნდა იცვლებოდეს სხვა სახელმწიფოს წარმომადგენელთა ჩასვლით ან არჩასვლით. მისი თქმით, ეს ნიშნავს, რომ იქ რაღაც ისე არ არის. ზახაროვას თქმით, რუსეთი საქართველოს აღიქვამს, როგორც სუვერენულ სახელმწიფოს თავისი ინტერესებით.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის