ნათია თურნავას განცხადებით, საქართველოს იმდენი პორტი სჭირდება რამდენსაც ბიზნესი გადაწყვეტს

ეკონომიკისა და მდგრადი განვითარების მინისტრის ნათია თურნავას განცხადებით, საქართველოს იმდენი პორტი სჭირდება რამდენსაც ბიზნესი გადაწყვეტს. ამის შესახებ მინისტრმა „ინტერპრესნიუსის" კითხვის საპასუხოდ განაცხადა,რომელიც საქართველოში ორი ღრმაწყლოვანი პორტის საჭიროებას შეეხებოდა.

“ანაკლიის განვითარების კონსორციუმმა ის ერთი პორტიც ვერ ააშენა,რაც ხელშეკრულებით ევალებოდა, ამიტომ მათი მსჯელობა თუ რამდენი პორტი სჭირდება ქვეყანას, ჩვენთვის არაა დამაჯერებელი. იზრდება ბიზნესი, გასულ წელს კონტეინერული ტვირთების გადამუშავება 40%-ით იყო გაზრდილი, აქედან გამომდინარე, ვფიქრობთ, რომ ქვეყანაში არაერთი პორტი შეიძლება იყოს", - აღნიშნა მინისტრმა „ანაკლიის კონსორციუმის“ განცხადების შეფასებისას, რომლის თანახმადაც მთავრობის მიერ ფოთის ღრმაწყლოვანი პორტის მშენებლობის ნებართვის გაცემა ანაკლიის პროექტს საბოლოოდ დაასამარებს.

რაც შეეხება ფოთის პორტს, მინისტრის თქმით, ერთი თვის ვადაში მოხდება "ეიპიემ ტერმინალსის" განცხადების განხილვა.

"ჩვენ ყოველმხრივ შევუწყობთ ხელს საპორტო ინფრასტრუქტურის განვითარებას",-აცხადებს თურნავა.

რაც შეეხება, ანაკლიის პორტთან დაკავშირებით ახალ ტენდერს, მინისტრის თქმით, სატენდერო პირობების გადახედვა მიმდინარეობს და ახალი ტენდერის შესახებ უახლოეს მომავალში გახდება ინფორმაცია ცნობილი.

შეგახსენებთ, 2020 წლის 11 თებერვალს, “ეიპიემ ტერმინალს ფოთმა” მიმართა ტექნიკური და სამშენებლო ზედამხედველობის სააგენტოს მიწათსარგებლობის ნებართვის მისაღებად, ფოთში ახალი, ღრმაწყლოვანი ნავსადგურის მშენებლობისათვის.

ცნობისთვის,საქართველოს მთავრობის გადაწყვეტილებით, 2020 წლის 9 იანვარს „ანაკლიის განვითარების კონსორციუმთან“ ანაკლიის ღრმაწყლოვანი პორტის პროექტთან დაკავშირებით 2016 წელს გაფორმებული ხელშეკრულება შეწყდა. მხარეებს 60-დღიანი წინა საარბიტრაჟო ვადა აქვთ, რომელიც დავის თავიდან აცილების მიზნით მოლაპარაკებისთვის უნდა გამოიყენონ. ანაკლიის კონსორციუმი საარბიტრაჟო დავისთვის ემზადება, მთავრობა კი ანაკლიის პორტთან დაკავშირებით ახალი ტენდერის გამოცხადებას აანონსებს.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო