ევროკავშირმა ქმედითი ევროპული პოლიტიკის ფორმულირება უნდა შეძლოს რუსეთთან მიმართებაში, რომელიც არ იქნება შემოსაზღვრული მხოლოდ მამხილებელი განცხადებებითა და სანქციებით,- ამის შესახებ გერმანიის პრეზიდენტმა ფრანკ-ვალტერ შტაინმაიერმა მიუნხენის უსაფრთხოების კონფერენციაზე სიტყვით გამოსვლისას განაცხადა.

„რუსეთმა არა მხოლოდ ყირიმის ანექსია განახორციელა, არამედ სრულად ახდენს საერთაშორისო სამართლის იგნორირებას. მან კვლავ გადააქცია სამხედრო ძალა და საზღვრების ძალით გაფართოება ევროპის კონტინენტზე პოლიტიკურ იარაღად. შედეგი იყო ჩამოუყალიბებლობა და არაპროგნოზირებადობა, კონფრონტაცია და ნდობის დაკარგვა“ ,- განაცხადა შტაინმაიერმა.

მისი თქმით, ევროპას არ შეუძლია მიიღოს რუსეთის გაუცხოება, მაგრამ საჭიროა ევროკავშირსა და რუსეთს შორის უკეთესი ურთიერთობა.

„მაგრამ რუსეთთან ჩვენი სამომავლო ურთიერთობის განხილვა ვერ მოხდება ცენტრალური ევროპის ქვეყნების ხარჯზე, ან მათ გარეშე“ ,- განაცხადა გერმანიის პრეზიდენტმა.