შალვა გოგოლაძემ წალკის მუნიციპალიტეტს სპორტული ინვენტარი გადასცა

წალკის სპორტულ კომპლექსში ძიუდოსა და ბერძნულ-რომაულ ჭიდაობაში მიმდინარე ტურნირის ფინალური ეტაპი და დახურვის ცერემონია გაიმართა. ამის შესახებ „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს.

მათი ინფორმაციით, ორდღიანი ტურნირი 13 წონით კატეგორიაში ჩატარდა - ბერძნულ-რომაულ ჭიდაობაში მედალოსნები 8, ხოლო ძიუდოში 5 წონით კატეგორიაში გამოვლინდნენ. შეჯიბრში 80 ახალგაზრდა სპორტსმენი მონაწილეობდა.

ტურნირის ფინალურ ეტაპს და გამარჯვებული სპორტსმენების დაჯილდოებას განათლების, მეცნიერების, კულტურისა და სპორტის მინისტრის მოადგილე შალვა გოგოლაძე დაესწრო, რომელმაც ადგილობრივი მუნიციპალიტეტის წარმომადგენლებს ძიუდოს ტატამი და სხვადასხვა სპორტული ინვენტარი გადასცეს. ტურნირის ფინალურ ორთაბრძოლებს სამინისტროს ფიზიკური აღზრდისა და სპორტის განვითარების სამმართველოს უფროსი ვასილ ლიპარტელიანი და წალკის ვიცე-მერი ანზორ ხინიკაძე დაესწრნენ.

„აღნიშნული ღონისძიება 2020 წლის „ევროპის სპორტის კვირეულის“ წინასწარი აქტივობების ფარგლებში ჩატარდა. მიმდინარე წლის 23-30 სექტემბერს საქართველოში „ევროპის სპორტის კვირეული“ მესამედ გაიმართება. კვირეული ევროკომისიის ინიციატივით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით. საქართველოში ღონისძიების კოორდინატორი საქართველოს განათლების, მეცნიერების, კულტურისა და სპორტის სამინისტროა,” - ნათქვამია სამინისტროს ინფორმაციაში.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ