თბილისში, აღმაშენებლის გამზირზე იტალიური ტიპის ეზოში სახლის მიშენებაში ხანძარი გაჩნდა. როგორც "ინტერპრესნიუსს" შსს-ს საგანგებო სიტუაციების მართვის სამსახურში განუცხადეს, შემთხვევის შედეგად 3 კვადრატული მეტრი ფართობის ჭერი დაიწვა.
უწყების ინფორმაციით, შენობიდან ორი ადამიანი გამოიყვანეს, მათგან ერთ-ერთი მსუბუქად არის დაშავებული და სამედიცინო დახმარება ადგილზე გაეწია.
ამ დროისთვის ხანძარი უკვე ლიკვიდირებულია.