მოლდოვას პრეზიდენტი - ევროპა რუსეთის გარეშე ძლიერი ვერ იქნება

ევროპა მხოლოდ იმ შემთხვევაში გახდება უფრო ძლიერი, თუკი რუსეთთან უფრო ახლო ურთიერთობებს დაამყარებს, - ამის შესახებ მოლდოვას პრეზიდენტმა იგორ დოდონმა „ევრონიუსთან“ ინტერვიუში განაცხადა.

მისი თქმით, საჭიროა, მოსკოვმა და ბრიუსელმა, რომლებიც რუსეთის მიერ ყირიმის ანექსიის შემდეგ სანქციების ომში გადაეშვნენ, ეკონომიკური ურთიერთობა გააძლიერონ.

„ვფიქრობ, რუსეთი ევროკავშირსა და ევროპას გაძლიერებაში დაეხმარება. მოდით, ვიყოთ გულწრფელები: ძლიერი ევროპა რუსეთის გარეშე ვერ იქნება. მჯერა დიდი ევროპის, ლისაბონიდან ვლადივოსტოკამდე. ვფიქრობ, ეს არის ერთადერთი გამოსავალი იმისთვის, რომ ევროპა უფრო ძლიერი გახდეს და მომავალ გამოწვევებს გაუმკლავდეს,“- აღნიშნა იგორ დოდონმა.

მისივე თქმით, მიუხედავად იმ ქვეყნებისა, რომლებიც ეკნომიკურ სანქციებთან დაკავშირებით კომპრომისების წინააღმდეგები არიან, რუსეთ-ევროკავშირის ურთიერთობები აუცილებლად გაძლიერდება.

„ვფიქრობ, დიალოგი აუცილებლად იქნება და ორი გლობალური მოთამაშის ურთიერთობებში არსებული გაურკვევლობის პერიოდი გადაილახება. მჯერა, საერთო ინტერესები ევროპასა და რუსეთის ფედერაციას ეკონომიკური თვალსაზრისით გააერთიანებს,“- აღნიშნა მოლდოვას პრეზიდენტმა.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს