ჰაიტიზე ბავშვთა სახლში გაჩენილ ხანძარს 15 ბავშვი ემსხვერპლა. შემთხვევა ქვეყნის დედაქალაქ პორტ-ო-პრენსის გარეუბანში მოხდა. ხანძრის გაჩენის დროს არალიცენზირებულ ბავშვთა სახლში 60-მდე ბავშვი იმყოფებოდა, მათმა უმეტესობამ შენობის დატოვება დროულად მოახერხა.
ხანძრის გამომწვევი მიზეზი ჯერჯერობით უცნობია, თუმცა გავრცელებული ინფორმაციით, ბავშვთა სახლში ელექტროენერგია გათიშული იყო, რის გამოც ისინი სანთლებს იყენებდნენ. აღსანიშნავია, რომ დღესდღეობით ჰაიტიზე სულ 754 ბავშვთა სახლია, რომელთაგან ლიცენზია მხოლოდ 35-ს აქვს.