გიორგი ვაშაძე - ოკუპირებული ტერიტორიების შესახებ კანონი ვისაც დარღვეული აქვს, მას არ აქვს უფლება საქართველოში შემოვიდეს

ოკუპირებული ტერიტორიების შესახებ კანონი“ პირველ რიგში საქართველომ უნდა დაიცვას, თორემ, ჩვენ თუ დავარღვიეთ, ხომ იტყვიან, რომ ეს არის ბანანის სახელმწიფო და რაც არ უნდა ეწეროს კონსტიტუციაში, არაფერს ძალა არ აქვსო, - ასე უპასუხა ჟურნალისტის შეკითხვას გაერთიანებული ოპოზიციის ერთ-ერთმა ლიდერმა გიორგი ვაშაძემ, თუ სად უნდა ჩატარდეს ევროსაბჭოს მინისტერიალი, საქართველოში თუ სტრასბურგში.

მისი თქმით, ვისაც დარღვეული აქვს ოკუპირებული ტერიტორიების შესახებ კანონი, მას საქართველოში შემოსვლის უფლება არ აქვს.

„მე ვფიქრობ, რომ ჩვენ უნდა დავიცვათ კანონი. თუ ჩვენ ჩვენი კანონი არ დავიცავით, ჩვენ არავინ არ გვცემს პატივს. სახელმწიფოს რისთვის აქვს კანონი? „ოკუპირებული ტერიტორიების შესახებ კანონი“ უნდა დაიცვას პირველი საქართველომ, თორემ ჩვენ თუ დავარღვიეთ, ხომ იტყვიან, რომ ეს არის ბანანის სახელმწიფო და რაც არ უნდა ეწეროს კონსტიტუციაში, არაფერს ძალა არ აქვსო. ისედაც ივანიშვილმა და „ქართულმა ოცნებამ” უზარმაზარი ზიანი მოგვაყენა კანონის უზენაესობასთან დაკავშირებით საერთაშორისო ასპარეზზე და დარწმუნებული ვარ, რომ ახლა ის მომენტია, როცა მაქსიმალური მობილიზაცია გვჭირდება იმისთვის, რათა არ დავარღვევინოთ კანონი. ოკუპირებული ტერიტორიების შესახებ კანონი ვისაც დარღვეული არ აქვს, კი ბატონო, მაგრამ ვისაც დარღვეული აქვს, მას არ აქვს უფლება საქართველოში შემოვიდეს”,- განაცხადა ვაშაძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ